အချစ်ရေး အဆင်ပြေလိုလျှင်

(တားရော့ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

ပြောနေကြအတိုင်း ပြောရရင်တော့ တားရော့ဟာ နက်နဲကျယ်ပြန့်လွန်းတာပါပဲ။ တားရော့နဲ့ ရှေ့ဖြစ်၊ နောက်ဖြစ်တွေ ဟောပြောလို့ ရတယ်။ တားရော့နဲ့ မွေးနေ့၊ မွေးဂဏန်းတွေ ချိတ်ဆက်လို့ ရတယ်။ တားရော့နဲ့ သမာဓိ ထူထောင်လို့ ရတယ်။ တားရော့နဲ့ ယတြာတွေ စီရင်လို့ရတယ်။ တားရော့နဲ့ လောကီအဆောင်တွေ ပြုလုပ်လို့ ရတယ်။ တားရော့နဲ့ လောကီကျင့်စဉ်တွေ ကျင့်ကြံလို့ ရတယ်။ 

ဆိုတော့…… တားရော့ပညာဟာ အံ့မခန်း ကျယ်ပြန့်လွန်းလှတယ် ဆိုရမှာပါ။

ဒီနေ့မှာတော့ တားရော့နဲ့ အချစ်ရေး အဆင်ပြေစေဖို့ ဘယ်လို ritual (အစီအရင်) မျိုး လုပ်လို့ရနိုင်မလဲ ဆိုတာ တင်ဆက်ဆွေးနွေးသွားမှာ ဖြစ်ပါတယ်။

 

ပထမဆုံး အနေနဲ့ ညနေပိုင်းတစ်ခုမှာ တားရော့ မေဂျာဖဲချပ်တွေထဲက The Lovers ဖဲချပ်နဲ့ မိုင်နာဖဲချပ်တွေထဲက Two of Cups ဖဲချပ်ကို မိမိရဲ့ကုတင်အိပ်ရာဘေးက Bedside Table လေးပေါ် တင်ထားပါမယ်။ ပြီးရင် The Lovers ဖဲချပ်ဘေးမှာ ဖယောင်းတိုင် အနီရောင်တစ်ချောင်း၊ Two of Cups ဖဲချပ်ဘေးမှာ ဖယောင်းတိုင် ပန်းရောင်တစ်ချောင်း ထွန်းညှိပါမယ်။ 

ဖယောင်းတိုင်မီး ထွန်းပြီးရင်တော့ မိမိရဲ့ စိတ်ကူးထဲမှာ ချစ်သူ (လိုချင်တဲ့ ဖူးစာရှင်ပုံစံ) ကို ပုံဖော်ကြည့်ပြီး မိမိနဲ့ အချစ်ရေး အဆင်ပြေနေပြီဆိုပြီး ငါးမိနစ်ခန့် မြင်ယောင်ကြည့်ရပါမယ်။ ငါးမိနစ် ပြည့်ရင်တော့ ဖယောင်းတိုင် မီးများကို မှုတ်လိုက်ပြီး တားရော့ဖဲချပ်များကို “ကျေးဇူးပါပဲ” သို့မဟုတ် “ကျေးဇူးတင်ပါတယ်” လို့ ပြောပေးရမှာ ဖြစ်ပါတယ်။

ဒီ အစီအရင်ဟာ လွယ်လည်း လွယ်ကူသလို မိမိရဲ့ အချစ်ရေး အဆင်မပြေမချင်း ရံဖန်ရံခါ ပြုလုပ်လို့ ရပါတယ်။ အဲ့ဒီ အသုံးပြုပြီးသား ဖယောင်းတိုင်တွေနဲ့ပဲ နောက်နေ့များမှာ ထပ်မံ ပြုလုပ်နိုင်ပါတယ်။ ဖယောင်းတိုင်အဟောင်း မီးစာ ကုန်သွားမှ နောက်ထပ် ဖယောင်းတိုင် အသစ် ထွန်းညှိလုပ်လို့ ရပါတယ်။

အခြား ritual တွေ အကြောင်းကိုလည်း အလျဉ်းသင့်ရင် သင့်သလို တင်ဆက်ပေးသွားမှာမို့ ဒီ Golden Words Tarot ပေ့ချ်လေးကို Like and Share လုပ်ထားဖို့ မမေ့ပါနဲ့ဦးနော်။ 

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

မိမိရဲ့ မွေးနေ့နဲ့ ကိုယ်ပိုင်တားရော့ဖဲချပ်တွေကို တွက်ကြည့်ရအောင်

ဒီပို့စ်လေးမှာတော့ တားရော့ ဖဲချပ်လေးတွေနဲ့ မိမိရဲ့ မွေး ဂဏန်းနဲ့ ဘယ်လို သက်ရောက်တယ်၊ ဘယ်လို တွက်ချက်ကြည့်လို့ရလဲလို့ တင်ဆက်ပေးသွားမှာ ဖြစ်ပါတယ်။

(တားရော့ပညာကို မယုံကြည်သူများအနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ မေတ္တာရပ်ခံပါတယ်။ အပြုသဘော ဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့ဟာ ဖဲချပ်ကဒ်ပြားတွေကို အသုံးပြုပြီး ရှေ့ဖြစ်ဟောကြားနိုင်တာ ဖြစ်တဲ့အတွက် Cartomancy လို့ ခေါ်နိုင်သလို ဂဏန်းဗေဒင်လို့ သိကြတဲ့ Numerology နဲ့ ဆက်စပ်နေတယ်ဆိုတာ ငြင်းလို့ မရနိုင်ပါဘူး။ ဘာဖြစ်လို့လဲ ဆိုတော့ တားရော့ဖဲချပ်ရဲ့

မေဂျာအာကင်နာရော မိုင်နာအာကင်နာရောမှာ နံပတ်တွေ ပါဝင်နေလို့ ဖြစ်ပါတယ်။ ခြွင်းချက်အဖြစ် မိုင်နာ ဖဲချပ်တွေရဲ့ ဘုရင်၊ မိဖုရား၊ သူရဲကောင်း နဲ့ မင်းလုလင် ဖဲချပ်တွေက လွဲလို့ပေါ့။

မြန်မာနိုင်ငံမှာဆိုရင် မိမိဟာ တနင်္ဂနွေသား ဆို (၁) ဂဏန်းသမား၊ တနင်္လာသား ဆို (၂) ဂဏန်းသမား အစရှိသဖြင့် အကျိုးပေးနံပါတ် သတ်မှတ်လေ့ရှိကြသလို အနောက်တိုင်း အယူအဆ အားဖြင့်လည်း လတိုင်းလတိုင်းရဲ့ (၃) ရက်နေ့၊ (၁၂) ရက်နေ့၊ (၂၁) ရက်နေ့ နဲ့ (၃၀) ရက်နေ့များမှာ မွေးဖွားတဲ့ သူတွေကို (၃) ဂဏန်းသမား စသဖြင့် မွေးရက်ကို အမှီပြုပြီး ကိုယ်ပိုင်နံပါတ် တစ်ခုစီ ရရှိကြရပြန်ပါတယ်။

ဒါကြောင့် ဂဏန်းဗေဒင် အယူအဆအရ လူတိုင်းလူတိုင်းမှာ မိမိနဲ့ ဆက်စပ်မှု ရှိတဲ့ တားရော့ဖဲချပ်တွေတော့ ရှိကြမှာ မလွဲမသွေပါ။ ဒီတစ်ပတ်မှာတော့ မိမိရဲ့ မွေးနေ့ကနေ ပြောပြနေတဲ့ Birth Card, Personality Card နဲ့ Soul Card တွေကို တွက်ကြည့်ရအောင်ပါနော်။

ဥပမာ (၁)

မိမိဟာ ၂၇ ရက်၊ မေလ၊ ၁၉၅၇ ခုနှစ်မှာ မွေးဖွားသူ ဆိုပါစို့။

၂၇ + ၅ + ၁၉၅၇ = ၁၉၈၉

၁ + ၉ + ၈ + ၉ = ၂၇

(ဒီနေရာမှာ ၂၇ ဟာ ၂၂ ထက် များနေတဲ့အတွက် ၂၂ ထက် ငယ်တဲ့ ဂဏန်းဖြစ်ဖို့ တစ်လုံးတည်းရအောင် ထပ်ပေါင်းပါမယ်)

၂ + ၇ = ၉

(ရလာဒ် က ၉ ရတဲ့ အတွက် မိမိရဲ့ Birth Card ဟာ The Hermit (9) ဖြစ်ပါတယ်။)

ဥပမာ (၂)

အကယ်လို့များ မိမိဟာ ၆ ရက်၊ သြဂုတ်လ၊ ၁၉၈၉ ခုနှစ်မှာ မွေးဖွားသူ ဆိုရင်တော့…

DD + MM + YY + YY

၀၆ + ၀၈ + ၁၉ + ၈၉ = ၁၂၂

(ဒီနေရာမှာ ဂဏန်း ၃ လုံးမို့ ရှေ့ ဂဏန်း ၂ လုံးနဲ့ နောက် ဂဏန်း ၁ လုံးကို ပေါင်းပါမယ်။ အကယ်လို့များ ဂဏန်း ၂ လုံးထဲ ရလာတာ ဆိုရင်တော့ ရှေ့ ဂဏန်း နဲ့ နောက်ဂဏန်းကိုပဲ ပေါင်းရုံပါ။)

၁၂ + ၂ = ၁၄

(ရလဒ် ၁၄ ဖြစ်တဲ့ အတွက် မိမိရဲ့ Personality Card ဟာ Temperance (14) ပါ။)

၁၄ ကို တစ်လုံးတည်း ရအောင် ထပ်ပေါင်းပါဦးမယ်။

၁ + ၄ = ၅

(ရလဒ် ၅ ဆိုတဲ့ အတွက် The Hierophant (5) ဟာ မိမိရဲ့ Soul Card ပါ။)

ဥပမာ (၃)

ခြွင်းချက်ဖြစ်တဲ့ case တစ်ခုကို ဥပမာပြပေးပါ့မယ်။ အကယ်လို့များ မိမိဟာ ၁၀ ရက်၊ နိုဝင်ဘာလ၊ ၁၉၆၉ မှာ မွေးဖွားသူ ဖြစ်ခဲ့မယ် ဆိုရင်တော့….

၁၀ + ၁၁ + ၁၉ + ၆၉ = ၁၀၉

၁၀ + ၉ = ၁၉ >> Personality Card = The Sun (19)

၁ + ၉ = ၁၀ >> Creativity Card = Wheel of Fortune (10)

(ပေါင်းခြင်းဟာ ဂဏန်း ၂ လုံး ရဆဲ ဖြစ်တဲ့အတွက် အဲ့ဒီ ဖဲချပ်ဟာ Creativity Card ဖြစ်သွားပြီး ရလဒ် ဂဏန်း ၁ လုံးတည်း ရသည်အထိ ပေါင်းပေးရပါမယ်။ ဒါမှ မိမိရဲ့ Soul Card ကို ရမှာပါ။)

၁ + ၀ = ၁ >> Soul Card = Magician (1)

နည်းနည်း ရှည်သွားပြီမို့ ဒီမှာပဲ ရပ်မယ်နော့။

နောက် ကြုံတော့မှ Birth Card, Personality Card, Soul Card အလိုက် ဘယ်လိုကြုံတွေ့ရတတ်တယ် ဆိုတာ ဆွေးနွေးသွားပါ့မယ်။ စောင့်ဖတ်ပေးပါဦးနော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ဖဲချပ်တွေကို ဘယ်အချိန်မှာ အနားပေးသင့်ပြီလဲ?

ဒီပို့စ်လေးမှာတော့ တားရော့ဖဲချပ်လေးတွေကို အသုံးပြုနေရာက ဘယ်အချိန်မှာ အနားပေးလိုက်သင့်လဲ ဆိုတာကို ဆွေးနွေးသွားမှာ ဖြစ်ပါတယ်။

(တားရော့ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

ပုံမှန်အားဖြင့်တော့ တားရော့ဖဲချပ်တွေဟာ မပျက်မစီး၊ မပျောက်မရှ မချင်း အသုံးပြုလို့ ရပါတယ်။ သို့သော် မိမိရဲ့ တားရော့ဖဲချပ်တွေကို အနားပေးလိုက်ရတော့မလား ဆိုတာကို အောက်ပါအချက်များနဲ့ ချိန်ညှိကြည့်ရင် သိနိုင်ပါတယ်နော်။

• ဖဲချပ်များ ဟောင်းနွမ်းလာပြီး အနားသတ်များ တွန့်လိမ်လာခြင်း၊
• ရေဖြင့် သန့်စင်ရာမှ ဖဲချပ်များ ဆေးသား ပါးလျလာပြီး ကျောဘက်မှ ထုတ်ချင်းပေါက် မြင်လာရခြင်း၊
• ရေမွှေးများ အမြဲတစေ ဖြန်းပက်သဖြင့် ဖဲချပ်များ တစ်ချပ်နှင့် တစ်ချပ် ကပ်နေတတ်ပြီး ကုလားဖန်ထိုးရာတွင် မနှံ့စပ်တော့ခြင်း၊ သို့မဟုတ် ဆွဲယူလိုက်သည့် ဖဲချပ် အရေအတွက်ထက် ပိုပို ကျလာတတ်ခြင်း။

ကဲ၊ ဒီအချက်တွေထဲက တစ်ချက်ချက်နဲ့ ကိုက်ညီနေရင်တော့ မိမိတို့ရဲ့ ဖဲချပ်တွေကို အနားပေးလိုက်ပါတော့။ ဘာဖြစ်လို့လဲ ဆိုတော့ တားရော့ဖဲချပ်တွေရဲ့ အရည်အသွေးကြောင့် (ကုလားဖန်ထိုးရာတွင်လည်း မနှံစပ်၊ ဖဲချပ်များကို ချိုးယူရာတွင်လည်း တစ်ချပ်နှင့် တစ်ချပ် ကပ်ပါလာတတ်ပြီး) တားရော့ဟောချက်ကိုပါ ထိခိုက်လာနိုင်လို့ ဖြစ်ပါတယ်။

မိမိ အသုံးပြုနေကျ ဖဲချပ်များကို သံယောဇဉ် ပိုတတ်တာ ထုံးစံပင်မယ့်လို့ စာရေးသူရဲ့ ပထမဆုံး တားရော့ deck ဟာ အသုံးပြုလာတာ (၁၀) နှစ် ကျော်လာပြီးနောက် အထက်ပါ အချက် ၃ ချက်လုံးနဲ့ ကိုက်ညီနေပါပြီ။ ဒီ့အတွက် အဲ့ဒီ deck ကို အနားပေးလိုက်ပြီး အခြား deck များနဲ့ ရင်းနှီးဆက်သွယ်မှု ပြန်လည် တည်ဆောက်ရတော့မှာပါ။

သင်ခန်းစာ ရသွားတာကတော့ မိမိရဲ့ ဖဲချပ်တွေကို ရေရှည် အသုံးပြုချင်ရင်တော့ ရေ၊မီး တို့နဲ့ သန့်စင်တာရယ်၊ ရေမွှေးဖြန်းပေးတာရယ်ကို ဆင်ခြင်ပေးဖို့ပါပဲ။ 😂 (စာရေးသူက ဖဲချပ်တွေကို ခင်းလိုက်တိုင်း ရေမွှေးဖြန်းတတ်တဲ့ အကျင့် ရှိပါတယ်။)

ဒါဆိုရင် အဲ့ဒီ ဖဲချပ် အဟောင်းတွေကို ပစ်လိုက်ရမလား မေးရင်တော့ ဟင့်အင်းပါ။ အဲ့ဒီ တားရော့ဖဲချပ်တွေနဲ့ အသစ်ဖဲချပ်တွေကို တူတူ ထားပေးလို့ ရပါတယ်။ ဖဲချပ် deck အဟောင်းမှာ energy တွေ ပြည့်ဝနေပြီးသားမို့ အသစ်ဖဲချပ်တွေဆီ အဲ့ဒီ energy ရောက်ရှိအောင် တူတူ ထားပေးပါ။

ဒီနေရာမှာ တားရော့က မဟောင်းနွမ်းသေး၊ မပျက်စီးသေးပင်မယ့်လို့ တားရော့နဲ့ ကိုယ့်ရဲ့ စည်းချက် ပျောက်ဆုံးနေတယ်၊ ကပေါက်တိ ကပေါက်ချာ ဟောချက်တွေ ထွက်နေတယ် ဆိုတဲ့ သူတွေအတွက်ကတော့ ဖဲချပ် အသစ် ဝယ်ယူဖို့ မလိုအပ်ပါဘူး။ တားရော့ဖဲချပ်တွေကို သေသေချာချာ သန့်စင်ပေးလိုက်ရင် အဆင်ပြေမှာပါ။

တားရော့ဖဲချပ်များကို သန့်စင်နည်း အမျိုးမျိုး ရှိတဲ့အနက် မိမိနဲ့ အဆင်ပြေမယ့် နည်းကို အသုံးပြုနိုင်ပါတယ်။ သန့်စင်နည်း အချို့ကို Golden Words Tarot က တင်ဆက်ပေးပြီးပါပြီ။ အောက်ပါ လင့်ခ်တွင် ရှုပါ။

https://www.facebook.com/pg/GoldenWordsTarot/photos/?tab=album&album_id=659652181483670

အားလုံးပဲ တားရော့ကို လေ့လာတဲ့အခါ လိုရာ ခရီးပေါက်နိုင်ကြပါစေ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

သင် သိပါသလား?

တားရော့ ဖဲချပ်တွေကို ၁၄ ရာစုမှာ စတင် တီထွင်ခဲ့ပြီး မူလ ရည်ရွယ်ချက်က ဂိမ်းတစ်ခုအနေနဲ့ ဆော့ဖို့သက်သက်သာ ဖြစ်ပါတယ်တဲ့။

တားရော့ ဟောပြောရာမှာ "၈" ဂဏန်း ဖဲချပ် နှစ်ချပ်ထက် ပိုပြီး ကျလာခဲ့ရင် ရှေ့ဆက် လျှောက်လှမ်းရမယ့် ဘဝအတွက် အပြောင်းအလဲတွေ လာတော့မယ်လို့ ဖော်ပြနေတာ ဖြစ်ပါတယ်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Page of Wands (Reversed)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

Page of Wands ဖဲချပ်ဟာ အတည့်ပဲ ဖြစ်ဖြစ်၊ ပြောင်းပြန်ပဲ ဖြစ်ဖြစ် မိမိထက် ငယ်ရွယ်တဲ့ အမျိုးသမီး တစ်ယောက်ကို ဖော်ပြနေပါတယ်။ Page of Wands (Reversed) ပြောင်းပြန် ဖဲချပ်ဟာ တွေဝေမှု၊ မပြတ်သားမှု တွေကို ဖော်ပြနေပြီး မိမိက သူတစ်ပါးကို အရေးကြီး ဆုံးဖြတ်ချက်တွေ ချဖို့ အကြံဉာဏ်တွေ ပေးရတတ်ပါတယ်။

ယေဘုယျ အဟော

Page of Wands (Reversed) ဖဲချပ်ဟာ မိမိ မကြားချင်တဲ့ သတင်းစကားများ ကြားရတတ်တဲ့ နိမိတ်ကို ဖော်ပြနေတဲ့ ဖဲချပ် ဖြစ်ပါတယ်။ မနှစ်သက်၊ မကြားချင်တဲ့ သတင်းဆိုတာ သတင်းဆိုး ဆိုတာမျိုးထက် မိမိ အဖြစ်မခံချင်တဲ့ အရာမျိုးလောက် ဖြစ်ပါတယ်။ တစ်ခါတရံမှာတော့ ဒီဖဲချပ်ဟာ အာရုံစူးစိုက်မှု နဲ့ ဆုံးဖြတ်ချက် ပြတ်သားဖို့ လိုအပ်နေပြီလို့ အချက်ပေးနေတတ်ပါတယ်။

အလုပ်အကိုင်

ဒီဖဲချပ်ဟာ အမျိုးသမီးတစ်ယောက်ရဲ့ ဆုံးဖြတ်ချက် မပြတ်သားမှုကြောင့် လုပ်ငန်းခွင်မှာ ပြသနာများ ရင်ဆိုင် ကြုံတွေ့ရတတ်ကြောင်း ဖော်ပြနေတဲ့ ဖဲချပ် ဖြစ်ပါတယ်။ ဒါ့အပြင် မိမိကိုယ်တိုင်လည်း ဆုံးဖြတ်ရခက်တဲ့ ကိစ္စများနဲ့ ကြုံတွေ့ရတတ်ပါတယ်။ အကယ်လို့ မိမိဟာ အလုပ်ရှာဖွေနေတဲ့သူ တစ်ယောက် ဖြစ်တယ် ဆိုရင်တော့ အလုပ်တစ်ခုတည်းကိုပဲ သည်းကြီးမည်းကြီး စောင့်မျှော်နေတာထက် အခြား အလားအလာရှိတဲ့ အလုပ်တွေကိုလည်း ခြေလှမ်းထားသင့်ပါတယ်။ အလုပ်ရဖို့လည်း ကြန့်ကြာတတ်ပါတယ်။

အချစ်ရေး

အချစ်ရေးအတွက်ဆိုရင်တော့ ဒီဖဲချပ်ဟာ ဆိုင်းမဆင့် ဗုံမဆင့် တွဲလိုက်တာထက် တစ်ယောက်အကြောင်း တစ်ယောက် ဖလှယ်ဖို့ အချိန်ပေးတာ၊ စကားပြောတာမျိုး လုပ်သင့်ပါတယ်။ စိတ်ဝင်စားတဲ့သူကို တွေ့နေပြီ ဆိုရင်လည်း ဖွင့်ပြောဖို့ကို နည်းနည်း အချိန်ယူသင့်သလို ချဉ်းကပ်တဲ့ သူ ရှိရင်လည်း အဖြေပေးဖို့ နည်းနည်း အချိန်ယူသင့်ပါတယ်။ အချစ်ကို ရှာဖွေဆဲ သူ ဆိုရင်တော့ မိမိ အကြည့်ချင်းဆုံမိတဲ့သူနဲ့ မပတ်သက်သင့်ကြောင်း သတိပေးသူ ရှိလာပါလိမ့်မယ်။ အတင်းအဖျင်းတွေ၊ ကောလဟလတွေဆိုတာ မယုံရပေမယ့်လို့ ဒီ Page of Wands ပြောင်းပြန်ဖဲချပ်ကတော့ အဲ့ဒီ မကောင်းသတင်း၊ ကောလဟလတွေကို လုံးဝလစ်လျူ မရှုဖို့ ပြောပြနေပါတယ်။

ငွေရေးကြေးရေး

ငွေကြေးစီးပွား တိုးတက်ပါမယ်။ ဘဏ္ဍာရေးနဲ့ ပတ်သက်ပြီး တက်ကျွမ်းတဲ့သူတစ်ယောက် မိမိထံ ရောက်ရှိလာပြီး ကောင်းမွန်တဲ့ အကြံဉာဏ်တွေ ပေးပါလိမ့်မယ်။ ငွေကြေးနဲ့ ပတ်သက်ပြီး မျှော်လင့်မထားတဲ့ သတင်းကောင်းတွေ ကြားရတတ်ပါတယ်။ ငွေတွေဝင်လာရင်တော့ အလှူအတန်း ဒါနပြု ပေးပါ။ ဒါမှ ကုသိုလ်ဆက်မှာပါ။

ကျန်းမာရေး

ကျန်းမာရေးနဲ့ ပတ်သက်ပြီး မိမိကို ကူညီနိုင်၊ ကူညီချင်၊ ကူညီမယ့် ဆရာဝန်၊ သမားတော်၊ ကျန်းမာရေးဝန်ထမ်း၊ ကူဖော်လောင်ဖက် အစရှိသဖြင့် တစ်ယောက်ယောက် ရှိနေတတ်ပါတယ်။ ကိုယ့်ဟာကိုယ်ကိုးရမယ် ဆိုပေမယ့် ကျန်းမာရေးနဲ့ ပတ်သက်ရင်တော့ ကိုယ့်ဟာကိုယ် ဆုံးဖြတ်လုပ်ကိုင်တာမျိုး ရှောင်ကြဉ်ပါ။ တစ်နည်းအားဖြင့် မိမိကလည်း သူတစ်ပါးအပေါ် ကျန်းမာရေးနဲ့ ပတ်သက်တဲ့ အကြံဉာဏ်တွေ ပေးရတတ်ပါတယ်။

ဒါကတော့ Page of Wands (Reversed) ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်မှာတော့ Ace of Wands (Upright) အကြောင်း တင်ဆက်ပေးသွားမှာမို့ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Page of Wands (Upright)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

မင်းလုလင်ဖဲချပ်ဟာ မိမိတို့ ဘဝထဲ ပါဝင်ပတ်သက်နေတဲ့ အသက်ငယ်ငယ် အမျိုးသမီးတစ်ယောက်ကို ဖော်ညွှန်းနေပါတယ်။ ရည်မှန်းချက် ကြီးမှားသူဖြစ်သလို နွေးထွေးပျူငှာသူလည်း ဖြစ်ပါတယ်။ မေးမြန်းတဲ့ အကြောင်းအရာဟာ လူတစ်ဦးတစ်ယောက် နဲ့ မသက်ဆိုင်တဲ့ မေးခွန်းမျိုး ဆိုရင်တော့ စိတ်အာရုံတွေ ထွေပြားနေတယ် လို့ အဓိပ္ပါယ် ထွက်တဲ့ အတွက် အာရုံစူးစိုက်နိုင်ဖို့ ကြိုးစားရပါမယ်။

ယေဘုယျ အဟော

ဒီ Page of Wands ရဲ့ သဘောအရ ဟိုးအရင်က အစပြု စတင်ခဲ့တဲ့ အလုပ်တွေရဲ့ အသီးအပွင့်ကို ခုချိန်ကစ ခံစားရတော့မှာ ဖြစ်ပါတယ်။ ဆန်းသစ်တဲ့ အတွေးအခေါ်တွေ၊ နည်းလမ်းတွေ၊ စွန့်စားမှုတွေ လိုအပ်နေပြီလို့ အချက်ပေးတဲ့ ဖဲချပ်လည်း ဖြစ်ပါတယ်။ Positive energy တွေ ယူဆောင်ပေးတဲ့ ဖဲချပ်လည်း ဖြစ်တဲ့အတွက် မိမိဘက်ကလည်း ဒီ Positive energy တွေကို လက်ခံနိုင်ဖို့ ပြင်ဆင်ထားဖို့လည်း လိုပါတယ်။

အလုပ်အကိုင်

အလုပ်ထဲမှာ မိမိကို အရမ်းကူညီတတ်တဲ့ ဆံပင်ပါးပါး အမျိုးသမီးတစ်ဦး ရှိပါတယ်။ မိမိထက် အသက်အားဖြင့် ရက်ပိုင်း၊လပိုင်း ငယ်ပါတယ်။ အကယ်လို့များ မိမိဟာ အလုပ်လျှောက်ထားဆဲ ဖြစ်ပြီး သတင်းစောင့်မျှော်နေဆဲ ဆိုရင်တော့ သတင်းကောင်း ကြားရဖို့ များပါတယ်။ ကိုယ်မျှော်လင့်ထားတာထက် ပိုပြီး သာလွန်ကောင်းမွန်တဲ့ အလုပ် ဖြစ်ပါမယ်။

အချစ်ရေး

လူလွတ်များအတွက် မိမိနဲ့ အသွင်တူတဲ့ ချစ်သူရည်းစား ရတတ်ပါတယ်။ ဝါသနာတူ၊ အကြိုက်တူ နဲ့ စွန့်စားရတာ ဝါသနာပါတဲ့ သူမျိုးပါ။ အချစ်ရေး/အိမ်ထောင်ရေး အဆင်မပြေတဲ့သူတွေအတွက်ကတော့ ၂ ယောက်လုံးက တစ်ယောက်နဲ့ တစ်ယောက် မပြတ်နိုင်သေးဘူး ဆိုရင် ဒီအချိန်က ဒီ relationship ကို ဘယ်လို ထိန်းသိမ်းမလဲ၊ ဘယ်လောက်ကြာအောင် ထိန်းသိမ်းနိုင်မလဲ ဆိုတာ စတင် စဉ်းစားသင့်တဲ့ အချိန်ပါ။ ဒါပေမယ့် ဒီ relationship ကို ကိုယ့် partner ကသာ မလိုချင်တော့ဘူး ဆိုရင်တော့ ရှေ့မဆက်တော့သင့်ပါဘူး။ Move on လုပ်ဖို့သာ စဉ်းစားပါ။

ငွေရေးကြေးရေး

ငွေကြေးတွေ တိုးပွားမယ်၊ ငွေတွေ ဝင်ပါမယ်။ အသက်အရွယ် ကြီးကြီး၊ငယ်ငယ် ရေရှည်အတွက် ငွေရေးကြေးရေး plan စချထားသင့်နေပါပြီ။ (မိမိအသက်က ၂၀ ပဲ ရှိသေးတယ် ဆိုရင်တောင်မှ) ရှေ့နှစ် ၃၀ အတွင်း ကိုယ်ဘာဖြစ်ချင်တယ်၊ ဘယ်လိုလုပ်ရမယ် စဉ်းစားထားသင့်ပါတယ်။

ကျန်းမာရေး

ကျန်းမာရေးနဲ့ ပတ်သက်ပြီး တွက်ကပ်မနေဘဲ စတင်ဂရုစိုက်ရတော့မှာပါ။ ကျန်းမာရေး တိုးတက်ကောင်းမွန်အောင် အစားကို အာဟာရ ပြည့်အောင်စား၊ ကိုယ်ကာယ လေ့ကျင့်ခန်း မှန်မှန်လုပ်ပြီး မိမိကိုယ်ကို ဂရုစိုက်သင့်ပါတယ်။ ကျန်းမာရေး ကောင်းချင်တယ် အော်နေရုံ၊ ထိုင်ဆုတောင်းရုံနဲ့ ဘာမှ ဖြစ်လာမှာ မဟုတ်ပါဘူး။ အခုက စပြီးပဲ ဖြစ်ဖြစ် ကြိုးစားရမှာပါ။ Lifestyle ပြောင်းတယ်ဆိုတာ လွယ်တာ မဟုတ်ပေမယ့်လို့ လုပ်သင့်တဲ့ အနေအထား ဖြစ်လာပြီမို့ မိမိဘက်ကသာ ပြုပြင် ပြောင်းလဲနိုင်အောင် ကြိုးစားရမှာပါ။

ဒါကတော့ Page of Wands (Upright) ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်မှာတော့ Page of Wands (Reversed) အကြောင်း တင်ဆက်ပေးသွားမှာမို့ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Knight of Wands (Reversed)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

Knight of Wands ပြောင်းပြန် (Reversed) ဟာ တစ်ခါတရံမှာ အခက်အခဲနဲ့ နှောင့်နှေးကြန့်ကြာမှုတွေကို ဖော်ညွှန်း နေပေမယ့်လို့ ကောင်းသောလက္ခဏာ ဆောင်တဲ့ ဖဲချပ်တစ်ချပ်ပဲ ဖြစ်ပါတယ်။ အားအင်အပြည့်နဲ့ တက်ကြွလျက်ရှိပြီး ဖြူစင်တဲ့ နှလုံးသား နဲ့ မိမိကို အားပေးတတ်တဲ့ အမျိုးသားတစ်ယောက် ဖြစ်ပြီး ယုံကြည်လို့ ရတဲ့သူပါ။

ယေဘုယျ အဟော

တားရော့မှာ မြင်းစီးသူရဲကောင်း ဖဲချပ်တွေဟာ အတည့်ပဲ ဖြစ်ဖြစ်၊ ပြောင်းပြန်ပဲ ဖြစ်ဖြစ် သတင်းစကားတစ်ခု ကြားရတော့မယ့် အဓိပ္ပါယ်ပါ။ Knight of Wands (Reversed) ထွက်ပေါ်လာရင်တော့ မျှော်လင့်နေတဲ့ အကြောင်းအရာဟာ နှောင့်နေးနေပြီး စောင့်ရမယ် ဆိုတဲ့ သတင်းစကားသာ ကြားရတတ်ပါတယ်။ အဲ့လိုဆိုရင်တော့ စိတ်ရှည်လက်ရှည် ထားပြီး စောင့်ရဖွယ်သာ ရှိပါတယ်။

အလုပ်အကိုင်

အလုပ်မှာ အနှောင့်အယှက်တွေ ကြုံရတတ်ပါတယ်။ မိမိ စိတ်ဝင်စားတဲ့ လုပ်ငန်း၊ ပရောဂျက်တွေ လုပ်ဖို့ အားခဲထားရကနေ အရည်မရ အဖတ်မရ မီတင်တွေ၊ training တွေနဲ့ပဲ အချိန်ကုန်နေရတတ်ပါတယ်။ ဒါမှမဟုတ်လည်း မိမိ အလုပ်ရုံးခန်းတည်ရှိရာ အဆောက်အဦး ပိတ်ထားခံထိတာမျိုး ကြုံတွေ့ရတတ်ပါတယ်။ ဖြစ်သမျှ အကြောင်း အကောင်းချည်းသာ မှတ်ပါ။ မိမိဟာ အလုပ်ရှာနေတဲ့ ပုဂ္ဂိုလ်ဆိုရင်တော့ အလုပ်ခန့်၊မခန့် အကြောင်းပြန်ဖို့က နှောင့်နှေး ကြန့်ကြာနေပါလိမ့်မယ်။ စိုးရိမ်စိတ်ပူနေလည်း မထူးတာမို့ စိတ်အေးအေးနဲ့သာ စောင့်ပါတော့။

အချစ်ရေး

အချစ်ရေးမှာ စိတ်ရှုပ်ရမယ့် အကြောင်းအရာတွေ ပေါ်လာတတ်ပြီး မကြာခဏ ငြင်းခုန်ရန်သတ်နေရတတ်ပါတယ်။ အဲ့ဒါဆိုရင်တော့ ပြသနာအရင်းအမြစ်ကို ရှာရပါလိမ့်မယ်။ မဟုတ်တာလေးနဲ့ ရန်ဖြစ်စိတ်ကောက်နေကြတယ်လို့ ထင်ရပေမယ့်လည်း အဲ့ဒီ ဘာမဟုတ်တာလေးက အပေါ်ယံ သက်သက်ဖြစ်ပြီး နောက်ကွယ်က တကယ့် အကြောင်းအရာကိုသာ ကျေလည်အောင် ဖြေရှင်းရမှာပါ။ အချစ်စစ်ကို ရှာဖွေနေတဲ့ လူလွတ်တွေအတွက်ကတော့ ဖူးစာရှင်နဲ့ ဆုံရပြီသာ မှတ်ပါနော်။ အချစ်ရေးနဲ့ ပတ်သက်ပြီး အလောတကြီး (မွှန်ပြီး) ဆုံးဖြတ်ချက်တွေ ချမိတတ်ပါတယ်။ သတိပြုပါ။

ငွေရေးကြေးရေး

ငွေနဲ့ ပတ်သက်ပြီး အယုံမလွယ်ဖို့နဲ့ ရှိတာ မအောလိုက်ဖို့ သတိထားရပါမယ်။ ငွေကြေးနဲ့ ပတ်သတ်ပြီး အယုံမလွယ်ဖို့ လိုသလို လောင်းကစားကို (လုံးဝ) လုံးဝ ရှောင်ရှားဖို့ အစဉ် သတိရှိပါ။

ကျန်းမာရေး

အားကစား အပြင်းအထန် လုပ်တာမျိုး ရှောင်ကျဉ်ရပါမယ်။ ဆေးတွေကိုလည်း အလွယ် ကိုယ့်သဘောနဲ့ ကိုယ် လုံးဝ မသောက်သင့်ပါဘူး။ ဆရာဝန်နဲ့ တိုင်ပင်ပြီးသာ သောက်ပါ။ ကုန်ကုန်ပြောရရင် လေ့ကျင့်ခန်းလုပ်တာ၊ Diet လုပ်တာ အပြင် supplement တစ်မျိုးမျိုး သောက်တာက အစ ဆရာဝန်နဲ့သာ တိုင်ပင်ပါ။ ကျန်းမာရေးသတိ ပိုတယ် မရှိပါ။

--

ဒါကတော့ Knight of Wands (Reversed) ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်မှာတော့ Page of Wands (Upright) အကြောင်း တင်ဆက်ပေးသွားမှာမို့ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Knight of Wands (Upright)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

ကျိုင်းကိုင်ထားတဲ့ မြင်းစီးသူရဲကောင်း ဖဲချပ်ဟာ ခရီးထွက်ဖို့ အကောင်းဆုံးအချိန်ဖြစ်တယ်လို့ ညွှန်းနေပါတယ်။ ကုန်ခမ်းသွားတဲ့ အားအင်တွေနဲ့ ရင်ဆိုင်ရမယ့် အရာတွေအတွက် ခရီးတစ်ခုလောက်တော့ သွားသင့်နေပါပြီ။ ကိုယ့်ကိုယ်ကို ယုံကြည်မှု ရှိရှိနဲ့သာ ရှေ့ဆက်သွားရင် ကိုယ်လိုရာ ပန်းတိုင်ရောက်မှာ မလွဲမသွေပါ။

ယေဘုယျ အဟော

တားရော့ရဲ့ Wands ဖဲချပ်တွေမှာ သူရဲကောင်းဟာ သတင်းစကားကို သယ်ဆောင်လာသူ ဖြစ်တဲ့အတွက် အလုပ်ကိစ္စနဲ့ ပတ်သက်လို့ပဲ ဖြစ်ဖြစ်၊ career လမ်းကြောင်းနဲ့ ပတ်သက်လို့ပဲ ဖြစ်ဖြစ် သတင်းကောင်း ကြားရတတ်ပါတယ်။ ကိုယ်ရဲ့ လုပ်ငန်းဆောင်တာ ပရောဂျက်များဟာလည်း မျှော်မှန်းထားတာထက်ကို အောင်မြင်နိုင်ပါတယ်။ ဂုဏ်ယူစရာ သတင်းကောင်းတွေနဲ့ ပျော်ရွှင်ရမှုတွေကို ဖော်ပြနေတဲ့ ဖဲချပ်ပါ။

အလုပ်အကိုင်

အလုပ်ကိစ္စနဲ့ ခရီးသွားရဖို့ ကြုံလာတတ်ပါတယ်။ သွားသာသွားပါ။ သွားရတဲ့ ခရီးအတွက်လည်း ပျော်ရွှင်ရမယ်။ အလုပ်နဲ့ ပတ်သတ်တဲ့ သတင်းကောင်းတွေလည်း ကြားရမယ်။ ဘာလိုသေးလဲ။ တကယ်လို့ မိမိဟာ အလုပ်အင်တာဗျူး ဖြေထားလို့ result စောင့်နေတာ ဆိုရင်တော့ အဲ့ဒီအလုပ် ရဖို့ များပါတယ်နော်။ ရခဲ့ရင်လည်း မိမိနဲ့ ကိုက်ညီကောင်းမွန်တဲ့ အလုပ် ဖြစ်မှာပါ။

အချစ်ရေး

အချစ်ကို ရှာဖွေနေသူများအတွက်ကတော့ အလုပ်နဲ့ ဆက်နွယ်ပြီး အချစ်နဲ့ တွေ့တတ်ပါတယ်။ ရည်ရွယ်ထားသူ ရှိတယ်၊ အိမ်ထောင်ဖက် ရှိတယ် ဆိုသူများကတော့ ကိုယ့် partner နဲ့ တတ်နိုင်သလောက် စကားများများ ပြောပေးပါ။ တစ်ယောက်နဲ့ တစ်ယောက် စကားမပြောကြလေ၊ သွေးအေးလေ ဖြစ်မှာ စိုးလို့ပါ။ တစ်ယောက်နဲ့ တစ်ယောက် ချစ်ကြည်ရင်းနှီးမှုဆိုတာ ကိုယ့်ခံစားချက် သူ့ခံစားချက် ပြောပြမှ တည်ဆောက်နိုင်တာပါ။ တစ်ယောက်စိတ်ထဲ ဘာရှိလဲ မပြောပြဘဲ နောက်တစ်ယောက်က မသိနိုင်ပါဘူးနော်။

ငွေရေးကြေးရေး

ငွေကတော့ အဝင်လမ်းချည်း တွေ့နေရပါတယ်။ သို့သော်လည်း မိမိအတွက် ကျန်အောင် အနည်းငယ်လောက်တော့ စုဖို့ ကြိုးစားပါ။ မလိုအပ်တဲ့ အသုံးစရိတ်တွေ လျှော့ချပါ။

ကျန်းမာရေး

ကျန်းမာရေးနဲ့ ပတ်သက်လို့ ထူးထူးခြားခြား မရှိပေမယ့်လို့ အားကစား/Gym လုပ်ရာမှာ သတိပြုပေးပါ။ Knight of Wands ဟာ ခြေချင်းဝတ် လည်ထွက်သွားတာမျိုးနဲ့ သေးသေးမွှားမွှား ထိခိုက်ရှနာတွေ ဖြစ်တတ်တာမို့ပါ။ တကယ်လို့ ထိခိုက်ဒဏ်ရာ ရပြီးတဲ့ သူ ဆိုရင်တော့ သတိလေးနဲ့ နေပေးပါနော်။ ဒဏ်ရာကို ဆွသလိုဖြစ်တတ်ပြီး အရင်ထက် ပိုဆိုးမှာ စိုးလို့ပါ။ ဖြည်းဖြည်းချင်း ပြန်ကောင်းဖို့သာ အားယူပါ။

--

ဒါကတော့ Knight of Wands (Upright) ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်မှာတော့ Knight of Wands (Reversed) အကြောင်း တင်ဆက်ပေးသွားမှာပါနော်။ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Queen of Wands (Reversed)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

သူတစ်ပါးကို ကူညီတတ်တဲ့၊ သနားကြင်နာတဲ့ နှလုံးသား ရှိတဲ့ အမျိုးသမီးတစ်ယောက်ဟာ Queen of Wands (reversed) ဖဲချပ်ရဲ့ သဘောတရားပါ။ ဒီဖဲချပ်ထဲက ဘုရင်မဟာ မိမိကို ကိုယ်စားပြုတာ ဖြစ်နိုင်သလို လူတိုင်းကို ကူညီတတ်ပြီး ပေးကမ်းရက်ရောတတ်တဲ့ မိမိထက် အကြီး အမျိုးသမီးတစ်ယောက်လည်း ဖြစ်နိုင်ပါတယ်။ Queen of Wands ဖဲချပ်ဟာ အတည့် (Upright) ပဲ ဖြစ်ဖြစ်၊ ပြောင်းပြန် (Reversed) ပဲ ဖြစ်ဖြစ် အမျိုးသမီးဆန်မှုနဲ့ မျိုးအောင်မှု၊ သန္ဓေအောင်မှုကို ဖော်ကြူးနေတဲ့ ဖဲချပ်တစ်ချပ် ဖြစ်ပါတယ်။

ယေဘုယျ အဟော

သူတစ်ပါး ပြသနာများ အဖြေရှာ ကူညီရှင်းလင်းပေးရတတ်ပါတယ်။ ဒါမှမဟုတ်လည်း၊ မိမိပြသနာကို မိမိထက် အသက်အရွယ် ကြီးတဲ့ အမျိုးသမီး တစ်ဦးက ကူညီပေးပါလိမ့်မယ်။ သို့သော် အဲ့ဒီ အမျိုးသမီးဟာလည်း အခြေအနေ အကြောင်းအမျိုးမျိုးကြောင့် ပြသနာကို ပြီးပြတ်အောင် ကူညီပေးနိုင်မှာတော့ မဟုတ်ပါဘူး။ အဲ့ဒီ အမျိုးသမီးရဲဲ့ အကူအညီဟာ အရာမရောက်ပေမယ့်လို့ မိမိအတွက် စိတ်ဓာတ်ခွန်အားတော့ များစွာ ရသွားမှာပါ။ မိမိမှာ ပြသနာ များနဲ့ ကြုံတွေ့ခဲ့လျှင် ရဲရဲပဲ ရင်ဆိုင်လိုက်ပါ။

အလုပ်အကိုင်

အလုပ်အကိုင်နဲ့ ပတ်သတ်ပြီး မေးမြန်းလို့ ဒီ Queen of Wands ဖဲချပ်ကို ပြောင်းပြန် (reversed) ကျရောက်ခဲ့ရင်တော့ လုပ်ငန်းခွင်မှာ အားမလိုအားမရမှု၊ နှောင့်နှေးကြန့်ကြာမှု၊ အတားအဆီးများနဲ့ ကြုံတွေ့ရမှာ ဖြစ်ပါတယ်။ အဲ့လို အခက်အခဲ အတားအဆီး ကြုံလာတိုင်း personally မမှတ်ယူဘဲ အလုပ်သဘောသဘာဝသာ ဖြစ်တယ်လို့ နှလုံးမူပြီးတော့သာ လုပ်ကိုင်ပါ။ အသက်ကြီးကြီး၊ ဆံပင်ပါးပါး အမျိုးသမီးတစ်ဦးက မိမိကို ပြသနာတွေ ဖြစ်အောင် ဖန်တီးနေတာမျိုး ကြုံရတတ်ပါတယ်။ (မိမိဟာ အလုပ်ရှာနေဆဲ ဖြစ်ရင်တော့ အဲ့ဒီ အသက်ကြီးကြီး၊ ဆံပင်ပါးပါး အမျိုးသမီးဟာ မိမိ အလုပ်မရအောင် ဖျက်လိုဖျက်ဆီးလုပ်နေတာမျိုး ဖြစ်နေတတ်ပါတယ်။) အဲ့ဒီအတွက်တော့ ဘာမှ စိတ်ရှုပ်မခံပါနဲ့။ မိမိမှာ အကြောင်းပြချက် ခိုင်ခိုင်လုံလုံ ရှိရင် ဒဲ့သာ ဖြေရှင်းပါ။ ဒါမှသာ မိမိလိုရာ ပန်းတိုင်ရောက်မှာပါ။

အချစ်ရေး

အချစ်ရေးမှာလည်း အသက်ကြီးကြီး၊ ဆံပင်ပါးပါး အမျိုးသမီး တစ်ဦး မိမိရဲ့ relationship မှာ (တိုက်ရိုက်မဟုတ်တောင်) လာလာရှုပ်နေတာ ကြုံရတတ်ပါတယ်။ တကယ်လို့သာ အဲ့ဒီအမျိုးသမီးဟာ ယောက္ခမ (သို့မဟုတ် ယောက္ခမလောင်းလျာ) ဆိုရင်တော့ မိမိက ဘယ်လိုပဲ နှစ်မြို့မြို့၊ မနှစ်မြို့မြို့ အဆင်ပြေအောင်၊ ကိုယ့်ဘက်ပါအောင်သာ ကြိုးစားပါနော်။ အချစ်သစ် ရှာဖွေနေတဲ့ သူတွေအတွက်ကတော့ အသက်ကြီးကြီး အမျိုးသမီးတစ်ဦး အောင်သွယ်ပေးမှုနဲ့ ရင်ခုန်ဘက် တစ်ယောက် ရနိုင်ပါတယ်။ အဲ…. မိမိက အချစ်သစ် ရှာဖွေနေတဲ့ လူလွတ်တစ်ယောက် ဖြစ်တယ်ဆိုတာကိုတော့ အဲ့ အမျိုးသမီးကြီး သိရအောင် ပြောဖို့တော့ လိုတာပေါ့။ ဒါမှ သူလည်း အောင်သွယ်ပေးနိုင်မှာပါနော်။

ငွေရေးကြေးရေး

ကဲ…. ငွေရေးကြေးရေးနဲ့ ပတ်သက်ရင်တော့ Queen of Wands ပြောင်းပြန်ဖဲချပ်ဟာ အတည့် ဖဲချပ်လိုပဲ ငွေသုံးများနေတဲ့ ကာလကို ဖော်ပြပါတယ်။ အဲ့လို ငွေသုံးရတာကိုက မိမိအတွက် ပျော်စရာ ဖြစ်နေတာပါ။ အဲ့လို အသုံးအဖြုန်းတွေများနေပေမယ့်လည်း တခါတလေ ကျပြန်တော့ မဟုတ်တဲ့နေရာမှာ တွန့်တိုစေးနှဲ ပိုက်ဆံကပ် နေတတ်ပြန်ပါတယ်။ အဲ့ဒီတော့ မဇ္ဈိမပဒိပဒါ နည်းအတိုင်း သုံးသင့်တဲ့ နေရာသုံး၊ စေ့သင့်တဲ့ နေရာစေ့ လုပ်သင့်ပါတယ်။ မတရားစေးနှဲလွန်းတော့လည်း မိမိသာမက ဘေးနားပတ်ဝန်းကျင်ကပါ စိတ်ဆင်းရဲရတာမျိုးပါ။

ကျန်းမာရေး

ကျန်းမာရေးနဲ့ ပတ်သက်ပြီး ဘာမှ ကြီးကြီးမားမား ရောဂါဝေဒနာ မရှိဘူးလို့ Queen of Wands (reversed) ဖဲချပ်က ညွှန်ပြနေပါတယ်။ နာမကျန်းတဲ့ လူနာအတွက် ဆိုရင်တော့ အမျိုးသမီးဆရာဝန် နဲ့ ကုသရင် ပိုမို ကောင်းမွန်ပါတယ်။ သားသမီး လိုချင်ရက် မရနိုင်ဖြစ်နေတဲ့ မေးမြန်းသူအတွက် ဒီဖဲချပ်ကျရောက်ရင်တော့ ဆရာဝန်နဲ့ ပြသသင့်သလို ဆရာဝန်နဲ့ လက်ရှိပြသလျက်ရှိရင်တော့ ဆရာဝန်ပြောင်းပြီး ပြသသင့်တယ်လို့ ဆိုပါတယ်။ စိတ်ကို လျှော့ချပြီး အေးအေးဆေးဆေး အနားယူနိုင်ဖို့လည်း ကြိုးစားပါဦးနော်။

--

ဒါကတော့ Queen of Wands (Reversed) ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်မှာတော့ Knight of Wands အကြောင်း တင်ဆက်ပေးသွားမှာပါနော်။ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံ

တစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

Queen of Wands (Upright)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

Queen of Wands ဖဲချပ်ဟာ မျိုးအောင်မှုနဲ့ အမဓာတ်တွေကို ကိုယ်စားပြုတဲ့ ဖဲချပ် ဖြစ်ပါတယ်။ အခြား တော်ဝင် (ဘုရင်၊ ဘုရင်မ၊ သူရဲကောင်းနဲ့ မင်းလုလင်) ဖဲချပ်တွေလိုပဲ ဒီဖဲချပ်ဟာ မိမိ ဘဝနဲ့ ဆက်နွှယ်နေတဲ့ အရေးပါတဲ့ အမျိုးသမီး တစ်ယောက် အကြောင်း ညွှန်ပြနေပါတယ်။

Queen of Wands ဖဲချပ်ဟာ ကောင်းသော စွမ်းအားတွေနဲ့ အပေါင်းလက္ခဏာ ဆောင်တဲ့ အရာတွေ ရရှိဖို့ ရှေ့ပြေးနိမိတ်လို့ ဆိုရမှာပါ။

ယေဘုယျ အဟော

လုပ်ငန်းဆောင်တာများ ပြီးမြောက်ခြင်း၊ အလုပ်အကိုင်နဲ့ career လမ်းကြောင်းအပေါ် အာရုံစိုက်ခြင်း တွေဟာ ဒီဖဲချပ် က ပြောပြနေတဲ့ အကြောင်းအရာများ ဖြစ်ပါတယ်။ The Queen of Wands ဟာ အနည်းငယ် ကိုယ့်ဘို့ပဲ ကိုယ်ကြည့်တဲ့ တစ်ကိုယ်ကောင်းသမားလို့ ဆိုနိုင်ပေမယ့်လည်း မိမိဘဝတစ်လျှောက်လုံး မိမိဘက်မှာပဲ နေမယ့် သူငယ်ချင်းကောင်းတစ်ယောက်ကို ဖော်ညွှန်း နေပါတယ်။ အကယ်လို့ မိမိဟာ သားသမီးယူဖို့ ပြင်ဆင်နေတယ် ဆိုရင်တော့ ဒီဖဲချပ်ဟာ ကျိန်းသေ သားသမီးရမယ့် ကိုယ်ဝန်နိမိတ်ပါ။

အလုပ်အကိုင်

လုပ်ငန်းကိုင်ငန်းအကြောင်း မေးမြန်းခဲ့လို့ ဒီ Queen of Wands ဖဲချပ် ကျလာခဲ့ရင်တော့ အချိန်တိုအတွင်း အောင်မြင်မှုများစွာ ရယူနိုင်မယ်လို့ ပြောရမှာပါ။ အလုပ်ရှာဖွေနေသူ တစ်ယောက်ဆိုရင်တော့ ဆံပင်ကို အရောင်ဆိုးထားတဲ့ (ဆံသားက နက်မနေတဲ့) အမျိုးသမီးတစ်ယောက်ယောက်က အလုပ်အကိုင်ရဖို့ ကူညီပေးပါလိမ့်မယ်။ အရာအားလုံးဟာ ပရော်ဖက်ရှင်နယ်ဆန်ဆန်ပဲ အဆင်ပြေနေပါလိမ့်မယ်။

အချစ်ရေး

အချစ်ရေးကလည်း ကံမခေပါဘူးနော်။ အချစ်စစ်ကို ရှာဖွေနေတယ်ဆိုရင်တော့ ဆံပင်အရောင်ဆိုးထားတဲ့ (ဆံသား နက်မနေတဲ့) အသိမိတ်ဆွေ တစ်ဦးဦးရဲ့ ဆက်သွယ်ပေးမှု၊ အကူအညီပေးမှုနဲ့ အချစ်သစ်ကို တွေ့ပါလိမ့်မယ်။ အခုလောလောဆယ်မှာ စိတ်နဲ့ လူနဲ့ မကပ် ဖြစ်နေရင်တော့ ကိုယ့်ဟာကိုယ် ယုံကြည်မှု ရှိရှိနဲ့ ပြင်ပြင်ဆင်ဆင်နေပြီး သူငယ်ချင်းတွေနဲ့ မကြာခဏ hang out လုပ်ပေးပါနော်။ အချစ်ရေးလည်း အဆင်ပြေလာပါလိမ့်မယ်။

ငွေရေးကြေးရေး

အသုံးထက် အဖြုံးများနေတဲ့ အတွက် ငွေကုန်ကြေးကျ များသလို ငွေထွက်ပြီးမှ နောင်တရနေတတ်ပါတယ်။ အဲ့ဒီအတွက် ငွေမသုံးခင် ဆင်ခြင်သင့်ပါတယ်။ အိမ်ခန်း decoration အတွက် ငွေကတော့ ခုအချိန် သုံးသင့်ပါတယ်။

ကျန်းမာရေး

ကျန်းမာရေး အတွက် ဘာမှ စိတ်ပူစရာမရှိပါဘူး။ Queen of Wands ဖဲချပ်ဟာ မျိုးအောင်ခြင်း၊ သန္ဓေရခြင်းကို ကိုယ်စားပြုတဲ့အတွက် သားသမီးယူဖို့ အစီအစဉ် ရှိရှိ၊ မရှိရှိ ကိုယ်ဝန်ရတတ်တဲ့အတွက် လောလောဆယ် သားသမီးမယူချင်သေးရင်တော့ ကြိုတင် ကာကွယ်ရမယ့် အနေအထားပါ။ ဒီဖဲချပ်ဟာ လုံလောက်တဲ့ အနားယူမှုမျိုး လိုအပ်နေပြီဆိုတာကို အချက်ပေးတဲ့ ဖဲချပ်လည်း ဖြစ်ပါတယ်။

--

ဒါကတော့ Queen of Wands ရဲ့ ဟောချက် အနက်အဓိပ္ပါယ် အကျဉ်းလေးပါ။ နောက်ပို့စ်ကတော့ ဒီ Queen of Wands ကိုပဲ ပြောင်းပြန် (Reversed) ကို တင်ဆက်ပေးသွားမှာပါ။ Golden Words Tarot ပေ့ချ်လေးကို like and share လုပ်ထားပေးဖို့ မမေ့ပါနဲ့နော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်

(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

King of Wands (Reversed)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

++++++++ ++++++++ ++++++++

King of Wands (Reversed) ဟာ ဘဝရဲ့ ချိုမြိန်မှု၊ ခါးသီးမှု လောကဓံတရားများနဲ့ ကြုံတွေ့ခဲ့ရတဲ့ အတွက် ရင့်ကျက်သူတစ်ဦးကို ဖော်ညွှန်းနေပါတယ်။ သူတစ်ပါးအပေါ် နွေးထွေးကြင်နာတတ်ပြီး နားလည်မှု အပြည့်အဝ ပေးနိုင်တဲ့သူ၊ အားနည်းသူတွေကို လက်တွဲခေါ်တတ်သူ၊ အမြဲတစေ တက်ကြွနေသူ တစ်ဦးကို ဖော်ပြနေပါတယ်။ တကယ်လို့ ဒီဖဲချပ်ဟာ တစ်စုံတစ်ယောက်ကို ရည်ရွယ်မေးတာ မဟုတ်ဘူး ဆိုရင်တော့ အားအင်ပြည့်ဝမှုနဲ့ တစ်ပါးသူအပေါ် ငဲ့ညှာမှု အစရှိတဲ့ ခံစားချက်တွေကို ရည်ညွှန်းနေတာ ဖြစ်ပါတယ်။

ယေဘုယျ အဟော
King of Wands ဟာ အတည့် (Upright) ပဲ ဖြစ်ဖြစ်၊ ပြောင်းပြန် (Reversed) ပဲ ဖြစ်ဖြစ် အပေါင်းလက္ခဏာ ဆောင်နေတဲ့ ဖဲချပ်ဖြစ်ပါတယ်။ မိမိ ပတ်ဝန်းကျင်မှာ ရှိတဲ့သူတွေဟာ သနားကြင်နာတတ်ပြီး စိတ်ရှည်သည်းခံ၊ နားလည်ပေးတတ်တဲ့ သူတွေ ဖြစ်နေတတ်ပါတယ်။ လုပ်ဆောင်ရမယ့် အရာတွေကို နှာတစ်ဖျားသာမက၊ ကိုယ်တစ်လျားပါ သာလွန်အောင် လုပ်ဆောင်နိုင်တဲ့ အရည်အချင်းမျိုး ပိုင်ဆိုင်သူတွေပါ။ များသောအားဖြင့် အသက်ကြီးပိုင်း၊ ထိပ်ပြောင်ပြောင်၊ ဆံပင်ပါးပါး လူကြီးတစ်ယောက်က မိမိကို ကူညီနေတယ်လို့ ဆိုရမှာပါ။

အလုပ်အကိုင်
အလုပ်အကိုင်နဲ့ ပတ်သက်ပြီး မေးမြန်းတဲ့အခါ King of Wands (Reversed) ဟာ အလုပ်မှာ လမ်းညွှန်ပြသပေးသူ အမျိုးသားတွေ ရှိတယ်လို့ ပြောရမှာပါ။ သို့ပေမယ့် အဲ့လို အကူအညီရတာက ရတာတစ်ပိုင်း၊ အထက်စီးဆန် bossy ဆန်တာမျိုးတွေက တစ်ပိုင်း ဖြစ်နေပါတယ်။ အခြေအနေပေါ် မူတည်ပြီး သည်းခံသင့်ရင် သည်းခံရမှာပေမယ့်လို့ အမြဲတမ်း ခေါင်းငုံ့ ခံစရာတော့ မလိုပါဘူး။ စည်းလွတ်ဝါးလွတ် ဖြစ်နေရင်တော့ ပြန်လည် တုံ့ပြန်ရမယ့် အနေအထား ဖြစ်ပါတယ်။ အဲ…. မိမိကိုယ်တိုင်က သေးသေးတင်မခံ၊ ဆက်ဆက်ထိ မခံ ဖြစ်မနေဖို့တော့ လိုတာပေါ့။

အချစ်ရေး
အမြဲတမ်း တက်တက်ကြွကြွ ရှိတဲ့အပြင် သနားကြင်နာ နွေးထွေးတတ်ပြီး မိမိထက် အသက်ကြီးနေတဲ့ ချစ်သူမျိုး ဆိုရင်တော့ အချစ်ရေးက ဘာမှ ပြောစရာမလိုအောင် ကောင်းနေတတ်ပါတယ်။ သို့ပေမယ့် မိမိရဲ့ ချစ်သူဟာ ဒီ relationship နဲ့ ပတ်သက်ပြီး မသေချာ၊ မရေရာမှုတွေကို သူ့ဟာသူ အချိန်ယူ စဉ်းစားရဦးမှာမို့ အရမ်းကြီး အဆင့်မတက်ဖို့၊ (အဆင့်တက်အောင် ဖိအားပေးမှု) မလုပ်ဖို့ လိုပါတယ်နော်။ စိတ်ရှည်ရှည်နဲ့သာ စောင့်ပါ။

ငွေရေးကြေးရေး
ငွေရေးကြေးရေးအကြောင်း ဟောချက်ထုတ်ရာမှာ ဒီဖဲချပ်ကြရင်တော့ ဘယ်ငွေကြေးကိစ္စမဆို ကျွမ်းကျင်တဲ့ ပညာရှင်ရဲ့ အကူအညီ ယူသင့်တယ်လို့ ဆိုရမှာပါ။ ရင်းနှီးမြှပ်နှံမှု တစ်ချို့ လုပ်နိုင်လောက်အောင် ငွေစကြေးစလေး ရွှင်နေပါလိမ့်မယ်။ ငွေတွေကို ဒီအတိုင်းစုမထားဘဲ သတိထားပြီး ရင်းနှီးမြှပ်နှံမှု လုပ်သင့်ပါတယ်။

ကျန်းမာရေး

King of Wands (Reversed) ဖဲချပ်ဟာလည်း ကျန်းမာရေး ကောင်းမွန်ခြင်းရဲ့ ပြယုဂ် ဖြစ်ပါတယ်။ ဆရာဝန်နဲ့ ပြသနေရတဲ့ ရောဂါတွေတောင် အခြေအနေ တိုးတက်ကောင်းမွန်လာတယ်လို့ ဆိုပါတယ်။ ရောဂါ ထူးထူးထွေထွေ မရှိတဲ့သူ ဆိုရင်တော့ ဒေါင်ဒေါင်မြည် ကျန်းမာရေး ကောင်းနေတဲ့ အနေအထားပါ။ သို့သော်လည်း ဒေါင်ဒေါင်မြည်ဆိုပြီး ကိုယ့်ဟာကိုယ် ညှင်းတာတို့၊ ထိခိုက်ရှနာ ဖြစ်အောင် risk ယူတာတို့တော့ မလုပ်ပါနဲ့နော်။ “အသက်ကို ဉာဏ်စောင့်” ဆိုတဲ့အတိုင်း ဖြည်းဖြည်းမှန်မှန်သာ ကိုယ့် ကျန်းမာရေးအတွက် ကိုယ့်ဟာကိုယ် ဂရုစိုက်ရမှာပါ။

--
ဒါဆိုရင်တော့ King of Wands (Reversed) ဖဲချပ်အကြောင်းကို အကြမ်းဖျင်း သိသွားမယ်လို့ ထင်ပါတယ်။ ဒီဖဲချပ်ကို လေ့လာခြင်းအားဖြင့် ပြောင်းပြန် (Reversed) ဖဲချပ် ကျရောက်တိုင်း ကြောက်စရာ မလိုကြောင်း သိရပါမယ်။ တစ်ချို့တွေက အတည့် ဖဲချပ် ဆိုရင် ကောင်းတယ်၊ ပြောင်းပြန်ဖဲချပ်ဆို မကောင်းဘူး၊ ဒါမှမဟုတ်ရင်လည်း ပြောင်းပြန်ဖဲချပ်တွေဟာ အတည့်ဖဲချပ်တွေနဲ့ ဆန့်ကျင်ဘက်လို့ ထင်နေတတ်ကြပါတယ်။ (လုံးဝ) မဟုတ်ပါဘူးနော်။ ဖဲချပ် တွေဟာ သူ့ အဓိပ္ပာယ်နဲ့ သူ ရှိပြီးသားမို့ ဘယ်ဖဲချပ်က ဘယ်လို သဘော ရှိလဲ နားလည်ဖို့သာ လိုပါတယ်။

နောက်ပို့စ်မှာတော့ Queen of Wands အကြောင်း တင်ဆက်ပေးမှာမို့ Golden Words Tarot ပေ့ချ်လေးကို like and share လေး လုပ်ပေးထားပါနော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်
(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer
++ ++ ++
ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

King of Wands (Upright)

(ဒီ Album ပို့စ်တွေဟာ Minor Arcana တားရော့ဖဲချပ်တွေ အကြောင်းကို အခုမှ စတင် လေ့လာမယ့်သူတွေအတွက် ရည်ရွယ်ပြီး အခြေခံကျကျ ရေးသားထားတာမို့ Minor Arcana တားရော့ဖဲချပ်တွေကို အသုံးမပြုသူများ ကျော်သွားလိုက်ပါနော်။ ဒါ့အပြင် တားရော့ပညာကို မယုံကြည်သူများ အနေနဲ့လည်း ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

King of Wands ဟာ ဉာဏ်ပညာ ကြီးမြင့်မှု၊ ပွင့်လင်းမှု၊ အကောင်းမြင်တတ်မှု နဲ့ စွန့်စားတတ်မှု ကို ဖော်ပြနေတဲ့ အဖိုဓာတ် ဖဲချပ်ပါ။ အခြား တော်ဝင် (ဘုရင်၊ ဘုရင်မ၊ သူရဲကောင်းနဲ့ မင်းလုလင်) ဖဲချပ်တွေလိုပဲ King of Wands ဖဲချပ်ဟာ မိမိ ဘဝနဲ့ ဆက်နွှယ်နေတဲ့ အရေးပါတဲ့သူ တစ်ယောက် အကြောင်း ညွှန်ပြနေပါတယ်။ အကောင်းမြင် ရှုထောင့်က ကြည့်မြင်တတ်ပြီး ဘယ်အရာကို မဆို စိတ်ရောကိုယ်ပါ နှစ်ပြီး တက်ကြွစွာ လုပ်ဆောင်တတ်သူပါ။

ယေဘုယျ အဟော
King of Wands ဟာ အပြုသဘောဆောင်တဲ့ ဖဲချပ် ဖြစ်ပါတယ်။ မိမိအကြောင်း အူမ ချေးခါး မကျန် သိသူ၊ မိမိကို နားလည်သူ၊ မိမိကို ဖေးမကူညီသူ ဆိုတဲ့ လူ (အထူးသဖြင့် အမျိုးသား) တစ်ယောက် ရှိတယ် ဆိုတာ ဒီ King of Wand ဖဲချပ်ကနေ သိရှိနိုင်ပါတယ်။ ဒါ့အပြင် မိမိဟာလည်း ရည်မှန်းချက်ကြီးမားတဲ့သူ၊ ပန်းတိုင်ကို မဖြစ်ဖြစ်တဲ့နည်းနဲ့ ရောက်ရှိအောင် သွားမယ့်သူ ဖြစ်တဲ့အပြင် ကိုယ်စလိုက်တဲ့ အလုပ်ကို ပြီးပြတ်အောင် လုပ်ရမှ ကျေနပ်တတ်တဲ့သူ ဆိုတာကို King of Wands က ညွှန်ပြနေတာပါ။ အရာအားလုံးကို အကောင်းမြင်စိတ်နဲ့ တွေးပါ။

အလုပ်အကိုင်
အလုပ်အကိုင်နဲ့ ပတ်သက်ပြီး မေးမြန်းတဲ့အခါ ဒီဖဲချပ် ကျရောက်လာခဲ့ရင်တော့ အလုပ်မှာ မိမိကို လမ်းညွှန်ပြသပေးနေတဲ့ ဆရာကောင်း၊ သမားကောင်း ရှိတယ်လို့ ပြောလို့ရပါတယ်။ အပြောအဆိုက တုတ်ထိုးအိုးပေါက်၊ တင်းကြပ်တဲ့ စည်းမျဉ်းစည်းကမ်းတွေနဲ့ လက်အောက်ငယ်သားတွေကို အုပ်ချုပ်တတ်ပေမယ့်လို့ လူမှန် တစ်ယောက် ဖြစ်တဲ့အတွက် ယုံကြည်လို့ ရပါတယ်။ အဲ့လို ဆရာကောင်း သမားကောင်းနဲ့ ကြုံတွေ့ရပြီဆိုရင်တော့ သူ့ဆီက လေ့လာသင်ယူလို့ ရနိုင်မယ့် ပညာတွေ ယူတတ်ဖို့သာ လိုပါတယ်။ မေးမြန်းသူဟာ အလုပ်ရှာနေတဲ့သူဆိုရင်တော့ ကျိန်းသေပေါက် အလုပ်ရလာပါလိမ့်မယ်လို့ ပြောလို့ ရပြီး အလုပ်ရှိနေတဲ့သူဆိုရင်တော့ သေချာပေါက် ရာထူးတိုးကိန်း ရှိတယ်လို့ ဟောလို့ ရပါလိမ့်မယ်။

အချစ်ရေး
အချစ်ရေးအတွက် မေးမြန်းတဲ့အခါ King of Wands ဖဲချပ်က ဘာတွေကို ညွှန်ပြနေလဲ ဆိုတော့ မိမိအပေါ် ကာကွယ်ပေးတတ်တဲ့၊ ဂရုစိုက်တတ်တဲ့၊ အနာဂတ်အိပ်မက်တွေအတွက် အလုပ်ကို ကြိုးစားနေတဲ့ သူ တစ်ယောက်ကို ညွှန်ပြနေပါတယ်။ ခု လတ်တလောမှာ မိမိက အလုပ်ကိုပဲ ဦးစားပေးနေတဲ့ သူဆိုရင်တော့ (ချစ်သူရည်းစား မရှိတဲ့ single ဆိုရင်တောင်မှ) အချစ်ရေးအတွက် အချိန်ပေးပါဦးလို့ ပြောချင်ပါတယ်။ နို့မို့ဆိုရင်တော့ အလုပ်နောက် လိုက်ပြီး အချစ်ရေးမှာ ကျန်ရစ် ဖြစ်သွားနိုင်ပါတယ်နော်။

ငွေရေးကြေးရေး
King of Wands က ငွေစကြေးစ ရွှင်တဲ့ နိမိတ်ကို ဖော်ပြနေတဲ့ ဖဲချပ်ပါ။ ဒီဖဲချပ် ကျရောက်လာခဲ့ရင်တော့ မိမိရဲ့ ဝါသနာ တစ်ခုခုကနေ ငွေရပေါက်ကို ဖန်တီးနိုင်မယ့် အနေအထားလို့ ပြောလို့ ရပါတယ်။ ကိုယ်ပိုင်အလုပ်လုပ်ဖို့ စဉ်းစားနေတဲ့သူ ဆိုရင်တော့ ရဲရဲကြီးသာ စလိုက်ပါလို့ တိုက်တွန်းပါရစေ။ အပြည့်အဝကြီး မစနိုင်သေးတောင် နည်းနည်းပါးပါး ခြေလှမ်းထားလို့ ရပါပြီ။ ကိုယ်လုပ်ချင်တာ ဘာလဲ တိတိကျကျသိဖို့တော့ လိုပါတယ်။ “ကြောက်ရင်လွဲ၊ ရဲမင်းဖြစ်” ဆိုတဲ့ အတိုင်း ရဲရဲသာ ရှေ့တိုးပါ။

ကျန်းမာရေး
ဒီဖဲချပ်က ကျန်းမာရေးကောင်းမွန်တဲ့ နိမိတ်ပြ ဖဲချပ်ပါ။ သို့ပေမယ့် မိမိကိုယ်ကို ‘ပေ’ မနေ၊ ညှင်းမနေဘဲ ကျန်းမာရေး ဂရုစိုက်ရမယ့် အချိန်ကာလ ဖြစ်တဲ့အတွက် ပြည့်ပြည့်ဝဝ အနားယူဖို့ ဖော်ပြနေပါတယ်။ မကျန်းမာတဲ့ မေးမြန်းသူဆိုရင်တော့ ရောဂါ ပြန်ကောင်း/သက်သာလာမယ်လို့ ဟောပြောပေးလို့ ရပါတယ်။ ပြီးတော့ ဒေါသတွေ၊ အာဃာတတွေ၊ မကောင်းမြင်စိတ်တွေဟာ ခန္ဓာကိုယ်ကို ညှင်းဆဲတတ်တဲ့အတွက် အဲ့လို ခံစားချက်တွေ ပြေပျောက်သွားအောင် စိတ်ရော ခန္ဓာကိုယ်ကိုပါ အနားပေး၊ တရားထိုင် လုပ်သင့်နေပါပြီ။

--
ကဲ.. ဒါဆိုရင်တော့ King of Wands (Upright) ရဲ့ ဟောချက် အနက်အဓိပ္ပါယ်ကို အကြမ်းဖျင်း (လုံးဝ အကြမ်းဖျင်း) နားလည်သဘောပေါက်ကြလိမ့်မယ် ထင်ပါတယ်။ တားရော့ဟာ နက်နဲ ကျယ်ပြန့်လွန်းတဲ့အတွက် အသေးစိတ် အချက်အလက်တွေအားလုံး ပြည့်စုံအောင် ရေးသားဖို့ရန်ကတော့ မဖြစ်နိုင်ပါဘူး။ သို့ပေမယ့် ဒီလို အကြမ်းဖျင်း လေ့လာဖတ်ရှုရတဲ့အတွက် တကယ် ဟောကြားချိန်မှာ မိမိရဲ့ စရဏအား၊ အတိတ်နိမိတ်များနဲ့ အတူ ထည့်သွင်းဟောကြားနိုင်မယ် ဆိုရင်တော့ တားရော့က ပြောကြားနေတဲ့ စကားလုံးတွေကို အဓိပ္ပါယ် ဖော်ဆောင်နိုင်ပါလိမ့်မယ်။

နောက်အပတ်မှာတော့ King of Wands ကိုပဲ Reversed ကျရောက်ခဲ့ရင် ဘယ်လို ဟောချက်ထုတ်ရမလဲ၊ ယေဘုယျ အနက်အဓိပ္ပါယ်က ဘာတွေလဲဆိုတာကို တင်ဆက်ပေးမှာမို့ Golden Words Tarot ပေ့ချ်လေးကို like and share လေး လုပ်ပေးထားပါနော်။

Minor Arcana ဖဲချပ်များအကြောင်း တစုတစည်းတည်း ဖတ်ရှုရန်
(https://www.facebook.com/pg/GoldenWordsTarot/photos/?tab=album&album_id=655250785257143&__tn__=-UC-R) ပုံတစ်ပုံချင်းစီ နှိပ်ပြီး ဖတ်ပါ။

Golden Words Tarot မှ တင်ဆက်ပြီး ပို့စ်များကို ရှာဖွေရန် မာတိကာ (https://www.facebook.com/GoldenWordsTarot/posts/286680298780862) တွင် ရှုပါ။

Disclaimer
++ ++ ++
ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ နှင့် မှားလေ့မှားထ ရှိသော အမှားများ (၁)

တားရော့ဖဲချပ် တစ်စုံတည်းကို တစိုက်မတ်မတ် အသုံးမပြုခြင်း

ဒီပို့စ်လေးမှာတော့ တားရော့ကို လေ့လာဆဲ ဝါသနာရှင်များ တားရော့ဟောပြောတာနဲ့ ပတ်သက်လို့ မှားတတ်တဲ့ အမှားလေးတွေကို သတိထားလို့ ရအောင် တင်ဆက်ပေးလိုက်ပါတယ်။

(တားရော့ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့တွေနဲ့ ပတ်သက်လို့ မိမိဟာ ဖဲချပ် ဝယ်ယူစုဆောင်းရတာ ဝါသနာပါတဲ့ Tarot decks collector လား၊ ဒါမှမဟုတ် တားရော့ဟောပြောတဲ့ ဆရာတစ်ယောက် ဖြစ်ဖို့ လေ့လာနေတာလား ပြန်ဆန်းစစ်ရပါမယ်။ တားရော့ deck ပေါင်း များစွာ ရှိတဲ့အတွက် deck တစ်ခု မြင်တိုင်း၊ လိုချင်လို့ ဝယ်တယ်။ ဒီနေ့ deck တစ်ခုနဲ့ ဟောပြောမယ်၊ လေ့ကျင့်မယ်၊ နောက်တစ်နေ့ နောက် deck တစ်ခုနဲ့ ဟောပြောမယ်၊ လေ့လာမယ် ဆိုတာမျိုး မလုပ်သင့်ပါဘူး။

တစ်ချို့ တားရော့လေ့လာသူတွေဟာ ဒီအချက်ကို သတိမမူမိတဲ့ အတွက် တားရော့ ဟောပြောဖို့ ကြိုးစားလိုက်တိုင်း တားရော့ ဖဲချပ်တွေက အဖြေကို မညွှန်ပြတာမျိုး ကြုံတွေ့နေတတ်တာပါ။ အမြဲတမ်း အမြဲတမ်း စာရေးသူ ပြောနေကြ စကားတစ်ခွန်း ရှိပါတယ်။ “တားရော့တွေဟာ အသက်ရှိတဲ့ ဖဲချပ်တွေ ဖြစ်တယ်” ဆိုတာပါ။ မိမိအတွက် သင့်တော်တဲ့၊ မိမိ ကြိုက်နှစ်သက်တဲ့ တားရော့ deck ကို ရွေးချယ်ဝယ်ယူပြီး အချိန်ယူ ရင်းနှီးမှုတည်ဆောက်ရင်း လေ့ကျင့်ဟောပြောသင့်ပါတယ်။

(စကားချပ် - တချို့ တားရော့ဆရာတွေက တချို့ မေးခွန်းတွေအတွက် deck နှစ်မျိုး အသုံးပြုပြီး ဟောပြောတာ မြင်ဖူးပါတယ်။ လိုအပ်တဲ့ အခြေအနေမျိုးမှာ ဒီလို အသုံးပြု ဟောပြောလို့ ရတဲ့ အတွက် စာရေးသူလည်း တစ်ခါတစ်ရံ deck နှစ်မျိုးနဲ့ ဟောပြောလေ့ ရှိပါတယ်။ သို့ပေမယ့် အဲ့လို deck နှစ်မျိုးနဲ့ ဟောပြောတာက လက်ချိုးရေလို့ ရတဲ့ အကြိမ်ရေသာ ရှိခဲ့ပါတယ်။)

တားရော့ deck မျိုးစုံ ဝယ်ထားပြီး ဘယ် deck ကိုမှ တစိုက်မတ်မတ် မသုံးဘဲ ဟိုဟာကောင်းနိုး၊ သည်ဟာကောင်းနိုး တို့တိတို့တိ သုံးနေရင်တော့ တားရော့ နဲ့ ကိုယ့်ရဲ့ ရင်းနှီးမှုကို တည်ဆောက်နိုင်မှာ မဟုတ်ပါဘူး။ အဲ့ဒီအတွက် တားရော့ကလည်း မှန်ကန်တိကျတဲ့ အဖြေကို ပေးနိုင်မှာ မဟုတ်သလို ကိုယ်ကိုယ်တိုင်လည်း တားရော့က ညွှန်ပြနေတဲ့ အဖြေတွေကို ပုံမဖော်နိုင် ဖြစ်နေပါလိမ့်မယ်။

မိမိ ရွေးချယ်ထားတဲ့ ဖဲချပ်တစ်စုံကိုပဲ တားရော့နဲ့ ကိုယ်နဲ့ တစ်သားတည်း ဖြစ်တဲ့ အထိ သုံးပါ။ စာရေးသူမှာ တားရော့ deck ၃ ခု ရှိပါတယ်။ Major+Minor ၇၈ ချပ် ၂ စုံ နဲ့ Major only ၁ စုံပါ။ Deck ၃ ခု ရှိသော်ငြားလည်း တားရော့ကို စလုံးရေစ လေ့လာစဉ် လွန်ခဲ့တဲ့ ၁၀ နှစ်က စတင် အသုံးပြုခဲ့တဲ့ Major+Minor ၇၈ ချပ် ပါတဲ့ အစုံကိုပဲ သုံးနေဆဲပါ။

ထပ်မံတိုက်တွန်းရရင်တော့ မိမိ ရွေးချယ်ထားတဲ့ ဖဲချပ်တစ်စုံကိုပဲ တားရော့နဲ့ ကိုယ်နဲ့ တစ်သားတည်း ဖြစ်တဲ့ အထိ သုံးပါ လို့ပဲ တိုက်တွန်းချင်ပါတယ်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တူသယောင် နှင့် ကွဲပြားသော တားရော့ဖဲချပ်များ (Death Vs The Tower)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

*** DEATH Vs. The TOWER ***

တားရော့မေးမြန်းသူ တော်တော်များများ အနေနဲ့ Death (Major Arcana No. 13) နဲ့ The Tower (Major Arcana No. 16) ဖဲချပ်တွေကို မကောင်းတဲ့ အတိတ်နိမိတ် ဆိုပြီး ကြောက်တတ်ကြပါတယ်။

Negative အငွေ့အသက်တွေပါနေပေမယ့် အမြဲတစေ ပုံသေကားချပ် မကောင်းဘူးလို့ ပြောလို့တော့ မရပါဘူး။ Yes or No မေးခွန်းတွေ အတွက်ကတော့ နှစ်ချပ်လုံး က “No” လို့ ညွှန်ပြနေပေမယ့် ဖဲချပ် နှစ်ချပ်လုံးဟာ မကောင်းတာတွေပြီးရင် ကောင်းမွန်တဲ့ အပြောင်းအလဲ တစ်ခုခုကို ပြနေတာ ဖြစ်ကြောင်းလည်း သိရမှာပါ။

(စကားချပ် - ဖဲချပ် တစ်ချပ်ချင်းစီရဲ့ အနက်အဓိပ္ပါယ်များကို သိချင်ရင်တော့ တားရော့ နဲ့ ပတ်သက်ပြီး ရေးသားထားတဲ့ စာအုပ်များမှာ ရှာဖတ်လို့ ရပါတယ်။ Golden Words Tarot ပေ့ချ် အနေနဲ့လည်း ဖဲချပ် တစ်ချပ်ချင်းစီရဲ့ အနက်အဓိပ္ပါယ်နဲ့ တကွ ဟောချက်နမူနာ များကို တင်ပြပေးဖို့ ကြိုးစားပေးပါ့မယ်။)

ထုံးစံအတိုင်းပဲ ပိုမို လွယ်ကူအောင် အောက်က Scenario နှစ်ခု နဲ့ ယှဉ်ပြီး လေ့လာကြည့်ရအောင်နော်။

** Scenario (1) **

မေး။ ။ ကျွန်မ အလုပ်အကိုင် အဆင်ပြေမလား သိချင်ပါတယ်။

(တားရော့ဖဲချပ်များအား ချိုးခိုင်း/ရွေးခိုင်းရာ Death ကျလာသည်။)

ဖြေ။ ။ အခု အလုပ်က အဆင် မပြေနေဘူး။ အလုပ်ထွက်ရကိန်း ကြုံလာနိုင်တယ်။ အဲ့လို အလုပ်ထွက်ဖို့ကလည်း အခုမှ မဟုတ်ဘူး၊ ဟိုးအရင် အတော်ကြာကြာတည်းက အစီအစဉ်ရှိခဲ့တာပဲ။ စိတ်သစ်၊ လူသစ်၊ နဲ့ ကောင်းမွန်တဲ့ အလုပ်သစ် ရလာပါလိမ့်မယ်။

** Scenario (2) **

မေး။ ။ ကျွန်တော့် အလုပ်အကိုင် အဆင်ပြေမလား သိချင်ပါတယ်။

(တားရော့ဖဲချပ်များအား ချိုးခိုင်း/ရွေးခိုင်းရာ The Tower ကျလာသည်။)

ဖြေ။ ။ ရုတ်ခြည်း ဆိုသလို မမျှော်လင့်ဘဲ အလုပ်ထွက်လိုက်ရတာမျိုး ဖြစ်တတ်တယ်။ အလုပ်သစ်ကတော့ career လမ်းကြောင်း ကို တစ်ချိုးတစ်ဆစ် ပြောင်းလဲနိုင်တဲ့ အလုပ်မျိုး ရလာပါလိမ့်မယ်။

++

ဒါဆိုရင်တော့ Death ဖဲချပ်ဟာ အစတည်းက မျှော်လင့်ထားပြီးသား အပြောင်းအလဲ တစ်ခုကို ပြနေတာ ဖြစ်ပြီး The Tower ကတော့ လောကကြီးက ကိုယ့်ကို Surprised တိုက်သလိုမျိုး ဘာမှ ပြင်ဆင်ချိန်မရဘဲ ပြောင်းလဲရတော့မှာကို ပြနေတာ ဖြစ်တယ်လို့ ယေဘုယျ မှတ်ထားလို့ ရပါတယ်နော်။

အပေါ်က Scenario တွေဟာလည်း ဥပမာ သဘောနဲ့ ပြောပြထားတာ ဖြစ်တဲ့ အတွက် ကျန်တဲ့ အချစ်ရေး၊ အိမ်ထောင်ရေး၊ လူမှုရေး၊ ပညာရေး အစရှိတဲ့ ကိစ္စရပ်များအတွက်လည်း အလားတူ ဟောပြောနိုင်ပါတယ်။

နောက်ထပ် ပို့စ်တွေမှာ ဘယ်လို ခပ်ဆင်ဆင် ဖဲချပ်တွေရဲ့ ကွာဟမှုတွေကို ပြောပြသွားမလဲ ဆိုတာ စောင့်မျှော်ဖတ်ရှုပေးပါနော်။ တင်ပြီးသမျှပို့စ်တွေကို တစုတစည်းတည်း ဖတ်ရှုချင်တာပဲ ဖြစ်ဖြစ်၊ ဖတ်ချင်တဲ့ ပို့စ်ကို ရွေးချယ် ဖတ်ချင်တာပဲ ဖြစ်ဖြစ် ပေ့ချ်ရဲ့ pinned post ဖြစ်တဲ့ မာတိကာ (https://www.facebook.com/GoldenWordsTarot/posts/286680298780862) မှာ ဖတ်လို့ ရပါတယ်နော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တူသယောင် နှင့် ကွဲပြားသော တားရော့ဖဲချပ်များ (Ace of Pentacles Vs Six of Pentacles)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့ဖဲချပ် အချို့ဟာ အနက် အဓိပ္ပါယ်အရ ခပ်ဆင်ဆင် တူလေ့ရှိပေမယ့် အနည်းငယ် ကွဲပြားလေ့ ရှိပါတယ်။ ဝါရင့် တားရော့ဆရာများအတွက် အထူးအထွေ ပြသနာ မရှိပေမယ့်လို့ Major Arcana ဖဲချပ်တွေကိုသာ အဓိကထား ကိုင်လေ့ရှိပြီး Minor Arcana ဖဲချပ်တွေနဲ့ မရင်းနှီးတဲ့ တားရော့သမားတွေ အတွက် Minor Arcana ဖဲချပ်များဟာ ဝေဝါးနေတတ်ပါတယ်။

ဒီပို့စ်မှာတော့ ဆင်တူဖဲချပ်လေးတွေ ဖြစ်တဲ့ Ace of Pentacles နဲ့ Six of Pentacles ကို လေ့လာကြည့်ကြရအောင်ပါ။

*** ACE of PENTACLES Vs. SIX of PENTACLES ***

🅰️ Ace of Pentacles ရော 6️⃣ Six of Pentacles ရော ဟာ ငွေ အဝင်ကို ပြတဲ့ ဖဲချပ်တွေ ဖြစ်ပါတယ်။ သို့ပေမယ့် ဘယ်နားမှာ ကွဲပြားနေတာလဲ ဆိုတာ သိသာစေဖို့ အောက်မှာ Scenario နှစ်ခု ဖော်ပြပေးလိုက်ပါတယ်။

** Scenario (1) **

မေး။ ။ ကျွန်တော် ငွေဝင်ဖို့ ရှိလား သိချင်ပါတယ်။

(တားရော့ဖဲချပ်များအား ချိုးခိုင်း/ရွေးခိုင်းရာ Ace of Pentacles ကျလာသည်။)

ဖြေ။ ။ ငွေဝင်ဖို့ ရှိပါတယ်။ မမျှော်လင့်ဘဲ ငွေ အစုလိုက် အပုံလိုက်ရတတ်တယ်။ ထီပေါက်ကိန်းရှိတယ်။ အမွေရကိန်း ရှိတယ်။

** Scenario (2) **

မေး။ ။ ကျွန်မ ငွေဝင်ဖို့ ရှိ၊မရှိ သိချင်လို့ပါ။

(တားရော့ဖဲချပ်များအား ချိုးခိုင်း/ရွေးခိုင်းရာ Six of Pentacles ကျလာသည်။)

ဖြေ။ ။ ငွေဝင်ပါလိမ့်မယ်။ သူတစ်ပါးဆီမှာ လက်လွန်ထားတဲ့ ငွေတွေ ပြန်ရဖို့ ရှိတယ်။ ဆုံးပြီထင်တဲ့ အကြွေးတွေ ပြန်ရပါလိမ့်မယ်။

++

ဒါဆိုရင်တော့ ဖဲချပ် နှစ်ချပ်ရဲ့ ခြားနားမှုတွေကို သိရှိသွားလိမ့်မယ် ထင်ပါတယ်။ ဒါက ဥပမာ အဖြစ်တင်ဆက်ထားတဲ့ ပုံစံဖြစ်လို့ နားလည် သဘောပေါက် လွယ်အောင် “ငွေဝင်မလား” ဆိုတဲ့ မေးခွန်းကိုသာ ရွေးချယ် ပြောပြထားတာပါ။

လုပ်ငန်းကိုင်ငန်း ကိစ္စ၊ အချစ်ရေး/အိမ်ထောင်ရေး၊ ပညာရေး၊ အိမ်တွင်းရေး မိသားစုကိစ္စ အစရှိတဲ့ မေးခွန်းတွေအတွက်လည်း မေးမြန်းတဲ့ ပုံစံအလိုက် ကွဲပြားမှုတွေ ရှိမှာပါ။ ဒါကို တားရော့ ဟောပြောတဲ့ အခါတိုင်း သတိပြုပေးပါ။

နောက်ထပ် ပို့စ်တွေမှာ တခြား ခပ်ဆင်ဆင် ဖဲချပ်တွေရဲ့ ကွာဟမှုတွေကို တင်ဆက်သွားမှာမို့လို့ Golden Words Tarot ပေ့ချ်လေးကို Like and Follow လုပ်ထားပေးပါဦးနော်။ တင်ပြီးသမျှပို့စ်တွေကို တစုတစည်းတည်း ဖတ်ရှုချင်တာပဲ ဖြစ်ဖြစ်၊ ဖတ်ချင်တဲ့ ပို့စ်ကို ရွေးချယ် ဖတ်ချင်တာပဲ ဖြစ်ဖြစ် ပေ့ချ်ရဲ့ pinned post ဖြစ်တဲ့ မာတိကာ (https://www.facebook.com/GoldenWordsTarot/posts/286680298780862) မှာ ဖတ်လို့ ရပါတယ်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ ဖဲချပ်များအား သန့်စင်နည်း (မီး၊ ရေ၊ လေ၊ မြေ ဓာတ်ကြီးလေးပါးဖြင့် သန့်စင်ခြင်း)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့တွေဟာ ဓာတ်ကြီးလေးပါးကို ကိုယ်စားပြုတယ်လို့ သိခဲ့ကြပြီး ဖြစ်ပါလိမ့်မယ်။ အကြမ်းဖျင်း မှတ်ရလွယ်ကူအောင် ပြောရရင်

🔥 The Wands (တုတ်) = မီးဓာတ် = တေဇောဓာတ်

💦 The Cups (ခွက်) = ရေဓာတ် = အာပေါဓာတ်

🌪 The Swords (ဓား) = လေဓာတ် = ဝါယောဓာတ်

🏜 The Pentacles (ကြယ်ဒင်္ဂါး) = မြေဓာတ် = ပထဝီဓာတ်

ဆိုတော့.… တားရော့တွေရဲ့ ဓာတ်သဘော ကို ဆောင်တဲ့ ဓာတ်ကြီးလေးပါး ဖြစ်တဲ့ မီး၊ ရေ၊ လေ၊ မြေ ဓာတ် တွေကို အသုံးပြုပြီး တားရော့တွေကို သန့်စင်ပေးလို့ ရပါတယ်။ သန့်စင်နည်း တစ်ခု စီကို ကြည့်လိုက်ရအောင်နော်။

*** မီးဓာတ်ဖြင့် သန့်စင်ခြင်း ***

ဖယောင်းတိုင် တစ်တိုင် ထွန်းညှိပြီး တားရော့ဖဲချပ်အားလုံးကို တစ်ခါတည်း ဖယောင်းတိုင် မီးကနေ ဖြတ်ရုံပါ။ လွယ်တယ်၊ ရိုးရှင်းတယ်။ သို့သော် မတော်ရင် ဖဲချပ်တွေ ပျက်စီးနိုင်တဲ့ အတွက် ပေါ့ဆလို့တော့ မရပါဘူးနော်။

*** ရေဓာတ်ဖြင့် သန့်စင်ခြင်း ***

ဖဲချပ်တွေကို ရေသန့် သို့မဟုတ် Spring Water နဲ့ Spray ဖြန်းသလို ဖြန်းပေးရုံပါပဲ။ ရေမများဖို့တော့ ဂရုစိုက်ပေးပါနော်။ ရေများရင် ဖဲချပ်တွေ ပျက်စီးနိုင်တဲ့ အတွက် စတိ သဘောလောက်ပဲ ဖြန်းပေးပါနော်။

*** လေဓာတ်ဖြင့် သန့်စင်ခြင်း ***

မြန်မာနိုင်ငံမှာတော့ အမွှေးတိုင်တွေက သုံးရလွယ်တာမို့ အမွှေးတိုင်က ရနံတွေနဲ့ တားရော့ဆီ တစ်ချက် နှစ်ချက် ဝှေ့ယမ်းပေးရုံပါပဲ။ အနောက် နိုင်ငံတွေကတော့ မွှေးကြိုင်တဲ့ အရွက်၊ ပန်း၊ နံ့သာတွေကို မီးမြှိက်ပြီး တားရော့တွေကို သန့်စင်ပေးလေ့ ရှိပါတယ်။ နောက်ထပ် နည်းတစ်ခုကတော့ လေဝင်လေထွက် ကောင်းတဲ့ ပြတင်းပေါက်နား တားရော့တွေကို ထားပေးတာပါ။

*** မြေဓာတ်ဖြင့် သန့်စင်ခြင်း ***

ဖဲချပ်တွေကို ၂၄ နာရီပတ်လုံး သဲထဲ မြှပ်ထားပေးရမှာပါ။ စိုးရိမ်စိတ်များတဲ့ (သို့မဟုတ်) စိတ်ဓာတ်ခွန်အား လျော့နည်းတဲ့ မေးမြန်းသူတွေကို ဟောကြားပေးပြီးရင် ဒီနည်းလမ်းနဲ့ သန့်စင်တာက အကောင်းဆုံး ဖြစ်မယ် ထင်ပါတယ်။

တားရော့ ဖဲချပ်တွေကို ဓာတ်ကြီးလေးပါး နဲ့ သန့်စင်နည်းတွေကို သိကြပြီဆိုတော့ အဆင်ပြေလို့ လေးမျိုးစလုံးနဲ့ သန့်စင်နိုင်သလို မိမိနဲ့ အလျဉ်းသင့် အဆင်ပြေမယ့် နည်း တစ်ခုနဲ့ပဲ သီးသန့် သန့်စင်လို့ ရပါတယ်နော်။ အခြားနည်းလမ်းတွေနဲ့ တားရော့ဖဲချပ်တွေကို သန့်စင်ချင်တယ် ဆို ရင်တော့ Golden Words Tarot ပေ့ချ်လေးထဲကို ဝင်ကြည့်ပြီး နည်းလမ်းလေးတွေ လေ့လာလို့ ရပါတယ်လို့ ဖိတ်ခေါ်ပါရစေ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ ဖဲချပ်များအား သန့်စင်နည်း (နေရောင်ဖြင့် သန့်စင်ခြင်း)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့ ဖဲချပ်များကို လရောင်ထဲမှာ သန့်စင်လို့ ရသလို နေရောင်ထဲမှာလည်း သန့်စင်လို့ ရပါတယ်။

*** နေရောင်ဖြင့် သန့်စင်ခြင်း ***

နေမင်းရဲ့ အလင်းရောင်မှာ Positive ဓာတ်သဘောနဲ့ အလင်းဓာတ်ရောင်ခြည်တွေ ပါဝင်နေတဲ့ အတွက် တားရော့ကို သန့်စင်ဖို့ ကောင်းတဲ့ နည်းလမ်း တစ်ခု ပါပဲ။

နေသာတဲ့ နေ့တစ်နေ့မှာ နေရောင် ကောင်းကောင်းရနိုင်တဲ့ နေရာလေးမှာ တားရော့ဖဲချပ်တွေကို ဖြန့်ခင်းလိုက်ပါ။ လေတိုက်လို့ လွင့်သွားတာတို့ မဖြစ်အောင်တော့ သတိထားပါနော်။ မနက် နေထွက်ချိန်ကနေ ညနေ နေဝင်ချိန်ထိ တားရော့တွေကို နေပူ ပြထားပေးရပါမယ်။

ဒီနည်းဟာလည်း လွယ်ကူ ရိုးရှင်းတဲ့ သန့်စင်နည်းတစ်ခု ဖြစ်တာမို့ တားရော့ဆရာတွေ သဘောကျ နှစ်ခြိုက်လေ့ ရှိပါတယ်။

Admin ကတော့ ဒီနည်းလမ်းကို သိပ်သုံးလေ့ မရှိပါဘူး။ နေရောင် အရမ်းပြင်းရင် ဖဲချပ်တွေ အနားတွန့်သွားတာတို့၊ အနားကျိုးလိမ်သွားတာတို့ ဖြစ်လေ့ ရှိတာမို့လို့ပါ။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ ဖဲချပ်များအား သန့်စင်နည်း (လ ရောင် ဖြင့် သန့်စင်ခြင်း)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့ ဖဲချပ်များကို ကုလားဖန်ထိုး သန့်စင်ခြင်းအပြင် နောက်ထပ် လွယ်ကူ ရိုးရှင်းတဲ့ သန့်စင်နည်း တစ်ခု ရှိပါသေးတယ်။

*** လ ရောင်ဖြင့် သန့်စင်ခြင်း ***

တားရော့ဖဲချပ်များကို စွမ်းအင်ဖြည့်တင်းပေးနိုင်ဖို့ အကောင်းဆုံး Source တစ်ခုကတော့ လပြည့်ညရဲ့ ဝိုင်းဝိုင်းစက်စက် လမင်းကြီး ဖြစ်ပါတယ်။

လပြည့်ညတွေမှာ တားရော့ဖဲချပ်တွေကို လရောင် တိုက်ရိုက် ကျရောက်နိုင်မယ့် ပြတင်းပေါက်နား သို့မဟုတ် ဝရန်တာလိုမျိုးမှာ ဖြန့်ခင်းပြီး လမင်းရဲ့ စွမ်းအင်တွေကို ရယူနိုင်ပါတယ်။ ဒါမှမဟုတ်လည်း အိမ်အပြင်ဘက် သို့မဟုတ် ခြံထဲ လရောင် ရမယ့် နေရာမှာထားပြီး လမင်းရဲ့ စွမ်းအင်တွေကို ခံယူနိုင်ပါတယ်။

တစ်ခု သတိပြုရမှာကတော့ မိုးရွာပြီး ဖဲချပ်လေးတွေ ပျက်စီးမှာ နဲ့ လေတိုက်ပြီး ဖဲချပ်တွေ လွင့်သွားနိုင်တာပါပဲ။ အဲ့တော့ လုံခြုံ စိတ်ချရပြီး လရောင် တိုက်ရိုက် ကျရောက်မယ့် နေရာလေးကိုတော့ သတိထား ရှာဖွေစေချင်ပါတယ်။

တားရော့ဆရာ တော်တော်များများကတော့ လပြည့်ညမျိုးတွေမှာ တားရော့ အစီအရင်တွေ ပြုလုပ်လေ့ရှိသလို တားရော့ Spell တွေ ရွတ်ပြီး တားရော့ကို သန့်စင်ပေးလေ့ရှိပါတယ်။

တားရော့ဖဲချပ်တွေတင်မက ရူနေး (Rune) သင်္ကေတ ရေးဆွဲထားတဲ့ ဖဲချပ် (သို့မဟုတ်) အဆောင်များ အတွက်လည်း ဒီနည်းလမ်းနဲ့ သန့်စင်လို့ ရပါတယ်။

ကဲ…. ဒါဆိုရင်တော့ ခုလာမယ့် လပြည့်ညမှာ မိမိတို့ရဲ့ တားရော့ ဖဲချပ်လေးကို သန့်စင်ပြီး သိဒ္ဓိတင်ကြရအောင်ပါနော်။

အရင်ပို့စ်တွေမှာ ပြောခဲ့သလို တားရော့ဟာ အသက်ရှိတဲ့ ဖဲချပ်တွေ ဖြစ်တဲ့အတွက် တားရော့အပေါ် ကိုယ်က သစ္စာရှိပြီး ဂရုစိုက်ရင် တားရော့ကလည်း ကိုယ့်အပေါ် ပြန်ဂရုစိုက် သစ္စာရှိပါတယ်။ ဒါကြောင့်မို့ ဖဲချပ်တွေကို အမြဲတစေ ဂရုစိုက်နေဖို့ တိုက်တွန်းချင်ပါတယ်။

တားရော့ဖဲချပ်တွေကို အခြားဘယ်နည်းတွေနဲ့ သန့်စင်လို့ရသေးတယ် ဆိုတာကို နောက်လာမယ့် ပို့စ်များမှာ တစ်ခုချင်း ရှင်းပြသွားမှာ ဖြစ်တဲ့အတွက် ဒီ Golden Words Tarot ပေ့ချ်လေးကို like and follow လုပ်ထားပေးပါနော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ ဖဲချပ်များအား သန့်စင်နည်း (ဆားဖြင့် သန့်စင်ခြင်း)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

*** ဆားဖြင့် သန့်စင်ခြင်း ***

ဆားဟာ လောကီအစီအရင်တွေမှာ အခရာ ကျတယ် ဆိုတာ ဘယ်သူမှ ငြင်းလို့ မရတဲ့ အချက်ပါ။ ဆားဟာ မကောင်းတဲ့ ဓာတ်သဘောတွေကို ပယ်ဖျောက်ပေးနိုင်တယ်လို့ ရှေးယခင်တည်းက ယုံကြည်ခဲ့ကြပါတယ်။ ယုတ်စွအဆုံး ကိုရီးယားကားထဲတောင် မကောင်းတဲ့၊ ကျက်သရေ မရှိတဲ့ လူတွေကို ဆားပက်လွှတ်လိုက်တာမျိုး မြင်ဖူးနေကြမှာပါ။

လောကီမှာတင်မက ဘာသာရေး တော်တော်များများမှာလည်း ဆားရဲ့ အရေးပါပုံတွေကို ဝီကီပီးဒီးယားမှာ ဖတ်လို့ ရပါတယ်။ (လင့်ခ် - https://en.wikipedia.org/wiki/Spilling_salt)

ဒီတော့ တားရော့ကိုလည်း ဆားနဲ့ ဘယ်လို သန့်စင်ပေးလို့ ရမလဲ ကြည့်လိုက်ရအောင်ပါနော်။

ဘူးအလွတ် သို့မဟုတ် သေတ္တာအလွတ် ထဲ ဆားကို တစ်ဝက်ခန့် ဖြည့်ပါ။ ပြီးရင် တားရော့တွေကို ပလပ်စတစ် အကြည်အိတ်ထဲ ထည့်ပြီး ဆားထည့်ထားတဲ့ ဘူးထဲ ထည့်ရပါမယ်။ ပြီးတော့မှ ဆားကို ဘူးမှာ အပြည့် ထပ်ထည့်ပေးပြီး တစ်ညတိတိ ထားလိုက်ခြင်းဖြင့် တားရော့ကို သန့်စင်နိုင်ပါပြီ။

တစ်ခု ပြောချင်တာက ဆား အပြည့် ဖြည့်ရမှာ ဖြစ်တဲ့ အတွက် ဘူးဟာ သိပ်ကြီးနေစရာ မလိုပါဘူး။ တားရော့ဖဲချပ်ထုပ် ဆန့်နိုင်တဲ့ ဘူး ဖြစ်ရင် ရပါပြီ။ Lock & Lock ဘူးတွေထဲမှာ ရှာကြည့်ရင် ပိုလွယ်မယ် ထင်ပါတယ်။

Admin ကတော့ ဒီနည်းလမ်းနဲ့ သန့်စင်ခြင်းကို သိပ် မကြိုက်ပါဘူး။ ဆားက အစိုပြန်တတ်တော့ ပလပ်စတစ်အကြည်နဲ့ ထုပ်ထားပေမယ့် ဖဲချပ်တွေ ပျက်စီးမှာ စိုးရိမ်လို့ပါ။ သို့ပေမယ့် ဆားကို အသုံးပြုပြီး တားရော့ကို သန့်စင်လိုတဲ့ သူတွေအတွက်တော့ အဆင်ပြေပါတယ်။

နောက်ထပ် ပို့စ်တွေမှာ လွယ်ကူရိုးရှင်းတဲ့ နည်းလမ်းတွေကို အသုံးပြုပြီး တားရော့ကို ဘယ်လို သန့်စင်လို့ ရသေးလဲ ပြောပြပေးမှာမို့ ဒီ Golden Words Tarot ပေ့ချ်လေးကို like & follow လုပ်ထားပေးဖို့ မမေ့ပါနဲ့နော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

ကာလ အတန်ကြာ အသုံးမပြုဖြစ်သော တားရော့ ကို တဖန်ပြန်အသုံးပြုခြင်း

“တားရော့ကို ဝါသနာ ပါသော်လည်း အကြောင်းအမျိုးမျိုးကြောင့် ကာလ တော်တော်ကြာ မဟောပြောဖြစ်ဘဲ ချောင်ထဲ ထိုးထားမိတယ်” ဆိုတဲ့ တားရော့သမားတွေအတွက် ဒီပို့စ်ကို တင်ဆက်လိုက်ပါတယ်နော်။

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

ကနဦး ပြောချင်တာကတော့ ဘယ်လို အကြောင်းမျိုးကြောင့်ပဲ ဖြစ်ပါစေ၊ တားရော့ကို မဟောပြောဖြစ်တော့ဘူး ဆိုရင် ဖဲချပ်တွေကို ချောင်ထဲ ထိုးထားတာမျိုး မလုပ်ဖို့ အကြံပေးပါရစေ။

တားရော့တွေကို ကတ္တီပါစ၊ ပိုးသားစ၊ ဖဲသားစ စသဖြင့် ကြိုက်နှစ်သက်ရာ ပိတ်စများနှင့် ထုပ်ပိုးထားနိုင်ပါတယ်။ ပြီးတော့မှ သစ်သား သို့မဟုတ် သံ၊ ယွန်း စသဖြင့် အဆင်ပြေရာ သေတ္တာဘူးငယ်များနှင့် သိမ်းဆည်းရပါမယ်။ ဒါဟာ တားရော့ ဟောပြောပြီးတိုင်း ပြန်လည် သိမ်းဆည်း သင့်တဲ့ ပုံစံပါ။

တားရော့ မဟောပြောဖြစ်တော့ဘူး ဆိုတာနဲ့ ကိုယ် သိမ်းဆည်းနေကျ အတိုင်း ပိတ်စ၊ ပုဝါစများနှင့် ထုပ်ပိုး၊ သေတ္တာထဲကို သူ့ရဲ့ အဆောင်အယောင်များနှင့် အတူ သိမ်းဆည်းရပါမယ်။ အဆောင်အယောင်ဆိုတာကတော့ ဟောပြောရန် ခင်းတဲ့ အခင်းစ၊ တားရော့ နှိုးလေ့ ရှိတဲ့ ခေါင်းလောင်းငယ်၊ တားရော့အတွက် သုံးစွဲလေ့ရှိတဲ့ ရေမွှေး စသဖြင့် ပစ္စည်းများကို ပြောတာပါ။

ပြီးတော့မှ သပ်သပ်ရပ်ရပ် စင် သို့မဟုတ် တားရော့ ဟောလေ့ရှိတဲ့ စားပွဲပေါ်မှာ တင်ထားပေးလိုက်ပါ။ တားရော့ ဟောပြောတာမျိုး မလုပ်တော့ဘူး၊ နားလိုက်တော့မယ် ဆိုတာနဲ့ ဖြစ်ကတတ်ဆန်း ချောင်ထဲ ထိုးထားတယ် ဆိုတာမျိုးဟာ တားရော့ ပညာကို မလေးစားသလို ဖြစ်နေတတ်လို့ပါ။

စကားရှည်သွားလို့ ဒီနေ့ ဆွေးနွေးမယ့် ခေါင်းစဉ်ဘက် ပြန်လှည့်ရရင် တားရော့နဲ့ ကာလ အတန်ကြာ အဆက်အသွယ် ပြတ်နေတယ်၊ ဒါပေမယ့် တားရော့ ပြန်လည် ဟောပြောချင်တယ် ဆိုတဲ့ ပုဂ္ဂိုလ်များ တားရော့ နဲ့ ပြန်လည် ဆက်သွယ်ဖို့ ဘာလုပ်ရမလဲ ဆိုတာကို တင်ပြပေးမှာပါ။

ပထမဆုံး အနေနဲ့ တားရော့ဖဲချပ်တွေကို ပိတ်စထဲက မှောက်လျက်သားထုတ်လိုက်ပြီး ဖဲချပ်ပုံကို ညီညီ စီလိုက်ပါ။ ပြီးရင် ညီညီစီထားတဲ့ ဖဲချပ်ပုံကို တံခါး ခေါက်သလို သုံးကြိမ် ခေါက်လိုက်ပြီး “အိပ်ရာက ထ ပါတော့ကွယ်” လို့ ပြောလိုက်ရုံပါပဲ။

အိပ်ပျော်နေတဲ့ တားရော့လေးတွေကို တံခါးခေါက် နှိုးလိုက်ပြီးရင်တော့ ထုံးစံအတိုင်း ဖဲချပ်တွေကို သန့်စင်မယ်၊ ရင်းနှီးမှု ပြန်လည် တည်ဆောက်မယ် ဆိုရင် အချိန်တိုလေး အတွင်းမှာပဲ တားရော့ကို ပြန်လည် ဟောပြောနိုင်မှာ ဖြစ်ပါတယ်။

တားရော့ဖဲချပ်တွေကို သန့်စင်နည်းကတော့ နည်းလမ်း အမျိုးမျိုး ရှိတဲ့ အထဲ အချို့ကို Golden Words Tarot က ဖော်ပြပြီးပါပြီ။ 

ဟင်…. နည်းလမ်းတွေကလည်း လွယ်လိုက်တာလို့ မထင်ပါနဲ့။ မသိသူ ကျော်သွား၊ သိသူ ဖော်စား ဆိုတဲ့အတိုင်း မသိလိုက် မရှိရလေအောင် တားရော့ ဟောပြောဖို့ Tips လေးတွေကို အမြဲ တင်ပြပေးသွားမှာပါနော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။

တားရော့ ဖဲချပ်များအား သန့်စင်နည်း (ကုလားဖန်ထိုးခြင်းဖြင့် သန့်စင်ခြင်း)

(ဒီပို့စ်ဟာ တားရော့ပညာကို လေ့လာလိုက်စားနေသူများအတွက်သာ ရည်ရွယ် ရေးသားထားတာ ဖြစ်ပါတယ်။ ဒါ့ကြောင့် တားရော့ ပညာကို မယုံကြည်သူများ အနေနဲ့ ဝေဖန်ခြင်း မပြုကြဘဲ ကျော်သွားလိုက်ဖို့ကို မေတ္တာ ရပ်ခံပါတယ်။ အပြုသဘောဆောင်တဲ့ ဆွေးနွေးမှုများကို ကြိုဆိုပါတယ်။)

တားရော့ကို နည်းလမ်း အမျိုးမျိုးနဲ့ သန့်စင်လို့ ရတယ် ဆိုတာ တားရော့အကြောင်း ရေးထားတဲ့ စာအုပ်တွေ၊ တားရော့ဆရာတွေ ရေးတင်တဲ့ ပို့စ်တွေက တစ်ဆင့် သိကြပြီး ဖြစ်မှာပါ။ ဒီပို့စ်လေးမှာတော့ အရမ်းလွယ်ကူ ရိုးရှင်းလွန်းလို့ သတိမမူမိကြတဲ့ သန့်စင်နည်းတစ်ခုကို တင်ပြပေးသွားပါမယ်။

*** ကုလားဖန် ထိုးခြင်း ***

ဟုတ်ပါတယ်။ ကုလားဖန်ထိုးခြင်းနဲ့ တားရော့ဖဲချပ်တွေကို သန့်စင်လို့ရပါတယ်။ ဒီနည်းက အလွယ်ကူဆုံးနဲ့ အရိုးရှင်းဆုံး နည်းလမ်း တစ်ခု ဖြစ်တဲ့အတွက် Admin သုံးနေကျ နည်းလမ်း တစ်ခု ဖြစ်ပါတယ်။ ကုလားဖန်ထိုး သန့်စင်ဖို့ အတွက်ဆိုရင် ဒီအတိုင်း ဗေဒင်ဟောကြားတဲ့ အခါ ကုလားဖန်ထိုးသလို ကျပန်း ထိုးလို့တော့ မရပါဘူး။

အရင်ဦးဆုံး တားရော့ ဖဲချပ်တွေကို အစဉ်လိုက်အတိုင်း စီရပါမယ်။ Major Arcana ဖဲချပ်တွေ ဖြစ်တဲ့ The Magician ကနေပြီး The Fool ထိ အစဉ်လိုက် စီပါမယ်။ ပြီးမှ Minor Arcana ဖဲချပ်တွေ ဖြစ်တဲ့ The Wands၊ The Cups၊ The Knives နဲ့ The Pentacles တွေကို စီရမှာပါ။ Minor ဖဲချပ်တွေကို စီတဲ့ အခါမှာလည်း ရှင်ဘုရင်၊ ဘုရင်မ၊ သူရဲကောင်း၊ မင်းလုလင် ပြီးမှ ၁၀ ကနေ ၁ အထိ စီပါ။ ပြီးတော့မှ (၇) ကြိမ်၊ (၇)ခါ တိတိ ကုလားဖန် ထိုးရမှာ ဖြစ်ပါတယ်။ ကဲ…. ဒါဆိုရင်တော့ တားရော့ဖဲချပ်တွေကို အရိုးရှင်းဆုံးနည်းနဲ့ ဘယ်လို သန့်စင်ရမယ် ဆိုတာ သိကြပြီပေါ့။

လွယ်ကူ ရိုးရှင်းတာအပြင် ဒီနည်းလမ်းကို Admin ဘာကြောင့် ကြိုက်တယ် ဆိုတဲ့ အကြောင်းရင်း တစ်ခုလည်း ရှိပါသေးတယ်။ တားရော့ဆရာတွေဟာ များသောအားဖြင့် ဖဲချပ်တွေကို အတည့်၊ပြောင်းပြန် ကျပန်း ကုလားဖန်ထိုးထားပြီး ဒီတိုင်း သေတ္တာထဲ၊ အိတ်ထဲ ထည့်ထားလေ့ရှိပါတယ်။ နေ့စဉ်နေ့တိုင်း တားရော့ဟောနေပေမယ့် ကိုယ့်ဖဲချပ် ၇၈ ချပ်လုံး ရှိရဲ့လားလို့ စစ်ဆေးဖို့ မေ့လျော့နေတတ်ကြပါတယ်။ ခုလို ကုလားဖန် ထိုးလိုက်တော့ မိမိရဲ့ ဖဲချပ်တွေ ပြည့်စုံလား၊ ပျောက်ရှနေလား စစ်ဆေးပြီးသားလည်း ဖြစ်သွားပါတယ်။

စစ်မထွက်ခင် ဓား၊ လှံ၊ လက်နက် ပြည့်စုံအောင် ပြင်ဆင်ရသလိုပဲ တားရော့ ဆရာတွေဟာ မိမိရဲ့ တားရော့ ဖဲချပ်များ ပြည့်စုံအောင် ပြင်ဆင်သင့်တဲ့အပြင် ဟောရန် စားပွဲ၊ စားပွဲအခင်း၊ ရေမွှေးဖြန်းပက်ခြင်း စသည်များ လစ်ဟာမှု မရှိရန်လည်း ဂရုပြုရပါမယ်။

တားရော့ဖဲချပ်တွေကို အခြားဘယ်နည်းတွေနဲ့ သန့်စင်လို့ရသေးတယ် ဆိုတာကို နောက်လာမယ့် ပို့စ်များမှာ တစ်ခုချင်း ရှင်းပြသွားမှာ ဖြစ်တဲ့အတွက် ဒီ Golden Words Tarot ပေ့ချ်လေးကို like and follow လုပ်ထားပေးပါနော်။

Disclaimer

++ ++ ++

ယခု ပို့စ်ကို #GoldenWordsTarot မှ ရေးသားတင်ဆက်ထားခြင်း ဖြစ်ပါတယ်။ ကြိုက်နှစ်သက်သူများ အနေနဲ့ လွတ်လပ်စွာ Share နိုင်ပါတယ်။ သို့သော် ရေးသားသူရဲ့ ကာယ၊ ဉာဏ စိုက်ထုတ်မှုကို လေးစားသောအားဖြင့် (လုံးဝလုံးဝ) ကူးယူ ဖော်ပြခြင်းများ မပြုလုပ်ဖို့ မေတ္တာ ရပ်ခံပါတယ်။ ဖတ်ရှုအားပေးမှုအတွက် ကျေးဇူး အထူးတင်ရှိပါတယ်။